Meta Threads Launch : మెటా కంపెనీ సరికొత్త మైక్రో బ్లాగింగ్ యాప్ను తీసుకొచ్చింది. 'థ్రెడ్స్' పేరుతో సరికొత్త యాప్ను బుధవారం లాంఛ్ చేసింది. ఈ యాప్.. ప్రస్తుతం మార్కెట్ లీడర్గా ఉన్న ట్విట్టర్కు గట్టి పోటీని ఇస్తుందని టెక్ వర్గాలు అంచనా వేస్తున్నాయి. ప్రత్యామ్నాయం కోసం చూస్తున్న ట్విట్టర్ వినియోగదారులు ఈ యాప్ వైపు మళ్లే అవకాశం ఉందని పేర్కొన్నాయి.
అమెరికా, బ్రిటన్, ఆస్ట్రేలియా, కెనడా, జపాన్‌తో సహా 100 కంటే ఎక్కువ దేశాలలో యాపిల్, గూగుల్, గూగుల్ ఆండ్రాయిడ్ యాప్ అందుబాటులోకి వచ్చింది.
ఇన్స్టాగ్రామ్ యూజర్నేమ్తోనే..
Threads Instagram : థ్రెడ్స్ యాప్ను ఇన్స్టాగ్రామ్ యూజర్ నేమ్తోనే వినియోగించుకోవచ్చు. అలాగే ఇన్స్టాగ్రామ్లో మనం ఫాలో అయ్యేవారినే.. ఇక్కడ కూడా ఫాలో కావచ్చు. థ్రెడ్స్లో అక్షరాల లిమిట్ 500గా ఉంచింది మెటా. ట్విట్టర్లో 280 అక్షరాలు కాగా.. థ్రెడ్స్లో అంత కంటే ఎక్కువే.
Twitter Tweet Limit : ఎలాన్‌ మస్క్‌ సొంతం చేసుకున్నప్పటి నుంచి ప్రముఖ మైక్రోబ్లాగింగ్‌ సైట్‌ ట్విట్టర్లో పలు మార్పులు జరుగుతూనే ఉన్నాయి. కొత్తగా ట్వీట్స్‌ను చూడటంలో యూజర్లకు పరిమితులు విధించింది ట్విట్టర్. ట్విట్టర్ పాలసీ పరమైన మార్పులు కొందరు వినియోగదారులకు నచ్చడం లేదు. ట్విట్టర్లో మార్పుల పట్ల అసంతృప్తి వ్యక్తం చేస్తున్నారు. దీంతో ప్రత్యామ్నాయ వేదికల వైపు చూస్తున్నారు. ఇదే సరైన సమయంగా భావించిన ఫేస్బుక్ మాతృ సంస్థ మెటా.. ట్విట్టర్కు పోటీగా థ్రెడ్స్ను లాంఛ్ చేసింది. అంతర్జాతీయంగా ట్విట్టర్కు ఉన్న ప్రజాదరణతోపాటు.. ఇప్పుడు ఆ సంస్థ ఎదుర్కొంటున్న ఇబ్బందుల్ని దృష్టిలో పెట్టుకుని సరికొత్త యాప్ను మెటా ఆవిష్కరించింది.
'థ్రెడ్స్' రీచ్ అవుతుందా?
Meta Launch New App : ఇప్పటివరకు ట్విట్టర్కు పోటీగా నిలిచేందుకు మాస్టోడాన్, ట్విట్టర్ మాజీ సీఈఓ జాక్‌ డోర్సే బ్లూస్కై యాప్ను తీసుకొచ్చారు. అయితే ఈ యాప్‌లు అంతగా యూజర్లను ఆకట్టుకోలేపోయాయి. మెటా కంపెనీఅండర్లో ఫేస్బుక్, ఇన్స్టాగ్రామ్, వాట్సాప్ ఉన్నాయి. రోజూ దాదాపు 300 కోట్ల మంది యూజర్లు వీటిని వినియోగిస్తున్నారు. ఈ యూజర్ బేస్తో మైక్రో బ్లాగింగ్ యాప్ థ్రెడ్స్ను కూడా సక్సెస్ చేయాలని మెటా భావిస్తోంది. మరి ఏ మేరకు థ్రెడ్స్ సక్సెడ్ అవుతుందో చూడాలి.
