MaskFone: ఈ మాస్క్​తో పాటలు, మాటలు

కొవిడ్ వల్ల రెండేళ్లుగా ముఖానికి మాస్కులతో చాలా ఇబ్బంది పడుతున్నారు కదా! అయితే మాస్క్​ఫోన్ (MaskFone)​ తయారు చేసిన మాస్కును మీరు ఎంతసేపైనా వాడవచ్చు. ఎందుకంటే ఇది రక్షణకవచంగానే కాక గ్యాడ్జెట్​లా కూడా పనిచేస్తుంది కాబట్టి. మరి ఎందుకు ఆలస్యం.. మీరూ ట్రై చేసేయండి.

మాస్క్‌.. ఇప్పుడు కరోనాను అడ్డుకునే రక్షణ కవచమే కాదు.. ఓ ఫ్యాషన్‌ సింబల్‌ కూడా. కానీ దీన్ని అంతకుమించి ఓ గ్యాడ్జెట్‌లా మార్చేసింది మాస్క్​ఫోన్ (MASKFONE).

ఏంటి ప్రత్యేకత?

రక్షణ, సౌకర్యం, సొగసు, సాంకేతికత కలిపితే మా కొత్త మాస్క్‌ అంటోంది మాస్క్‌ఫోన్‌. ఇది మూడు పొరల మాస్క్‌ కమ్‌ గ్యాడ్జెట్‌. సాధారణంగా ఫోన్‌ మాట్లాడేటప్పుడో, మ్యూజిక్‌ వింటున్నప్పుడో మాస్క్‌ తీయాల్సి వస్తుంది. మాస్క్‌ఫోన్‌తో ఆ అవసరం లేదు. ఇయర్‌ఫోన్స్‌ను చెవుల్లో పెట్టుకొని వై-ఫైతో అనుసంధానం చేసుకోవచ్చు.

ఫీచర్లు..

ఇది మళ్లీమళ్లీ ఉతికి ధరించగలిగే ఎన్‌ 95 మాస్క్‌. మైక్రోఫోన్‌, ఇయర్‌ఫోన్స్‌ ఇన్‌బిల్ట్‌గా వస్తాయి. తేలికైన ఇయర్‌బడ్స్‌తో అలసట లేకుండా గంటలకొద్దీ మ్యూజిక్‌ వినొచ్చు. ఫోన్‌ మాట్లాడుకోవచ్చు. ఆడియో స్పష్టంగా ఉంటుంది. మాస్కు చివరి భాగంలో నొక్కడం ద్వారా వాల్యూమ్‌ పెంచుకోవచ్చు. తగ్గించుకోవచ్చు.

ధర:రూ.2,500

ఇదీ చదవండి:Adobe photoshop: సరికొత్త ఫీచర్లతో అడోబ్​- ఐపాడ్​, డెస్క్​టాప్​లలో మార్పులు