ISRO Chandrayaan 3 Update : చంద్రుడిపై అన్వేషణకు బయల్దేరిన చంద్రయాన్-3వ్యోమనౌక చివరి ఘట్టానికి చేరువైంది. బుధవారం ఉదయం 8.30 గంటలకు చివరిది, ఐదో కక్ష్య తగ్గింపు ప్రక్రియ విజయవంతమైంది. ఈ మేరకు ఇస్రో ఓ ప్రకటన విడుదల చేసింది. అంతరిక్ష నౌక 153 కిలోమీటర్లు X 163 కిలోమీటర్ల కక్ష్యలోకి చేరినట్లు తెలిపింది. గురువారం ప్రొపల్షన్‌ మాడ్యూల్ నుంచి ల్యాండింగ్ మాడ్యూల్ విడగొట్టే ప్రక్రియ చేటట్టేందుకు ప్రణాళిక రూపొందించినట్లు ఇస్రో వెల్లడించింది.
Chandrayaan - 3 Location Live : ఈనెల 23న అంతరిక్ష నౌక సాఫ్ట్ ల్యాండింగ్ప్రక్రియ చేపట్టాలని భావిస్తున్న ఇస్రో.. అందుకోసం డీబూస్ట్ అనే పద్ధతిని అనుసరించనుంది. అడ్డంగా ప్రయాణం చేస్తున్న చంద్రయాన్-3 చివరి 30 కిలోమీటర్లకు చేరుకునే సరికి నిట్టనిలువునా ల్యాండ్ కానుంది. ఈ అంతరిక్ష నౌక వేగాన్ని చివరి 30 కిలోమీటర్ల ఎత్తు నుంచి తుది ల్యాండింగ్‌కు చేర్చే ప్రక్రియ అత్యంత కీలకమని ఇస్రో ఛైర్మన్ ఎస్.సోమ్నాథ్ తెలిపారు. ల్యాండింగ్ ప్రక్రియ మొదలైనప్పుడు అంతరిక్ష నౌక వేగం సెకనుకు 1.68 కిలోమీటర్లుగా ఉంటుందని ఆయన చెప్పారు. ఈ ప్రక్రియ సమయంలోనే చంద్రయాన్-2 లో సమస్య ఏర్పడినట్లు సోమ్నాథ్ వెల్లడించారు.
Chandrayaan - 3 Launch Date On Moon : గతనెల 14న చంద్రయాన్ - 3 ప్రయోగం చేపట్టగా అంతరిక్ష నౌక ఈనెల 5న చంద్రుని కక్ష్యలోకి ప్రవేశించింది. చంద్రమామకు చేరువయ్యేందుకు ఈనెల 6, 9, 14 తేదీల్లో మూడుసార్లు కక్ష్య తగ్గింపు ప్రక్రియలు విజయవంతంగా పూర్తి చేసినట్లు ఇస్రో ప్రకటించింది. చంద్రయాన్-3 మిషన్‌ పురోగతి సాధించినకొద్దీ.. చంద్రగ్రహంపై అడుగుపెట్టేందుకు వీలుగా అంతరిక్ష నౌక కక్ష్యను క్రమంగా తగ్గించే ప్రక్రియ చేపట్టింది. అంతా సజావుగా సాగితే ఈ నెల 23 సాయంత్రం ల్యాండర్‌ చంద్రుడి దక్షిణ ధ్రువంపై అడుగుపెట్టనుంది.