ఇన్​స్టా సేవలకు అంతరాయం.. నెటిజన్ల అసహనం

ప్రముఖ సామాజిక మాధ్యమం ఇన్​స్టాగ్రామ్ సేవల్లో అంతరాయం ఏర్పడింది. అయితే అందుకు గల కారణాలు మాత్రం తెలియరాలేదు.

ప్రముఖ సామాజిక మాధ్యమం ఇన్​స్టాగ్రామ్ సేవలు ఒక్కసారిగా నిలిచిపోయాయి. దీంతో యాప్​ వాడకంలో ఇబ్బందులు ఎదుర్కొంటున్నారు నెటిజన్లు. దీనిపై ట్విట్టర్ వినియోగదారులు యాప్​ సరిగా పనిచేయడం లేదంటూ కామెంట్లు పెడుతున్నారు. కొందరు మెసేజ్​లు చేయడంలో ఇబ్బందులు ఎదుర్కొంటే.. మరికొందరు పోస్ట్ చేయడంలో తంటాలు పడుతున్నారు. అయితే ఈ విషయంపై ఇన్​స్టా అధికారులు మాత్రం స్పందించలేదు.

ఇన్​స్టా యాప్ వినియోగదార్లు చాలామందికి యాప్ వాడుతుంటే "క్షమించండి. ఏదో సమస్య తలెత్తింది. మరొకసారి ప్రయత్నించండి" అన్న సందేశం వచ్చింది. ఉదయం 10.35 నుంచి యాప్​ సేవల్లో సమస్యలు తలెత్తాయి. అధికారులు మాత్రం ఇప్పటివరకు దీనిపై క్లారిటీ ఇవ్వలేదు.