Gmail Storage Cleanup Tips :ప్రమోషనల్ మెయిల్స్ ప్రతీ జీమెయిల్ యూజర్ను ఇబ్బంది పెడుతుంటాయి. క్లియర్ చేస్తుంటే.. కొత్తవి వచ్చిపడుతుంటాయి. పోనీ.. ఒకేసారి క్లియర్ చేయాలంటే కుదరదు. ఒకసారికి కేవలం 50 వరకు మాత్రమే తీసేయొచ్చు. కానీ.. మేము చెప్పే ఈ ఫీచర్ ద్వారా ఒకే సారి అనవసరమైన మెయిల్స్ అన్నీ డెలిట్ చేసేయొచ్చు. అదెలాగో ఈ స్టోరీలో తెలుసుకుందాం.
- ముందుగా మీ జీమెయిల్ ఓపెన్ చేయాలి.
- ఆ తర్వాత సెర్చ్ ఆప్షన్లో is:unread అని టైప్ చేయాలి.
- ఇప్పుడు ఓపెన్ అయిన పేజీలో వరుసగా మెయిల్స్ కనిపిస్తాయి. ప్రతీ మెయిల్ ముందు ఒక చెక్ బాక్స్ కనిపిస్తుంది.
- వాటిపైన ఒక చెక్ బాక్స్ కనిపిస్తుంది. దాని క్లిక్ చేయాలి.
- ఇప్పుడు ఆ పేజీలో కనిపించే 50 మెయిల్స్ సెలెక్ట్ అవుతాయి. ఇప్పుడు పైనున్న డెలిట్ బటన్ నొక్కితే.. అవి మాత్రమే డెలిట్ అవుతాయి.
- కానీ.. ఇన్ బాక్స్లో ఉన్న Unread మెయిల్స్ అన్నీ డెలిట్ కావాలి కాబట్టి.. పక్కనే కనిపిస్తున్న "select all conversations that match this search" అనే ఆప్షన్ పై క్లిక్ చేయాలి.
- ఇప్పుడు ఇన్ బాక్స్లోని అన్ని Unread మెయిల్స్ సెలక్ట్ అయ్యాయని అర్థం.
- ఇలా సెలెక్ట్ చేసుకున్న తర్వాత పైన కనిపించే డెలిట్ సింబల్పై నొక్కితే సరిపోతుంది.
- ఒకేసారి చదవని మెయిల్స్ అన్నీ మీ జీమెయిల్ నుంచి డెలిట్ అయిపోతాయి.
జీ-మెయిల్ ఎక్స్పర్ట్ అవ్వాలా? సింపుల్గా ఈ షార్ట్కట్స్ గురించి తెలుసుకోండి!
జీ-మెయిల్లో బిగ్ ఫైల్స్ ఒకేసారి ఎలా డెలిట్ చేయాలంటే..?
మనకు వచ్చే మెయిల్స్ ఒక్కటే కాదు.. జీ-మెయిల్లో వచ్చే బిగ్ ఫైల్స్ లేదా వీడియోల వల్ల గూగుల్ అకౌంట్ స్టోరేజీ వేగంగా ఫిల్ అవుతుంది. వీటిని కూడా వన్ టైమ్లోనే డిలీట్ చేసుకోవచ్చు. అందుకు ఏం చేయాలంటే..?
- ముందుగా మీరు జీమెయిల్ ఓపెన్ చేయాలి.
- సెర్చ్ బార్లో వీడియో లేదా ఫైల్ సైజ్ ఎంటర్ చేయాలి.
- ఉదాహరణకు 25 సైజ్ ఉన్న ఫైల్స్ సెలక్ట్ చేయాలనుకుంటే.. Size:25M’ అని సెర్చ్ బాక్స్లో ఎంటర్ చేయాలి.
- జీ-మెయిల్ ద్వారా 25MB కంటే ఎక్కువ సైజ్ ఉండే ఫైల్స్ సెండ్ చేయలేమన్న సంగతి తెలిసిందే..
- అంతకన్నా తక్కువ సైజులో ఉన్నవి కూడా సెలక్ట్ చేసుకోవచ్చు. మీరు ఎంత సైజు వీడియోలు డెలిట్ చేయాలంటే.. అంత నంబర్ (ఉదాహరణకు Size:14M’) ఎంటర్ చేయాలన్నమాట.
- అవన్నీ మీకు స్క్రీన్ పై కనిపిస్తాయి.
- అందులో కావాల్సినవి ఉంచుకొని.. మిగిలినవి డెలిట్ చేసుకోవచ్చు.