170 దేశాల్లో ఇన్స్టాగ్రామ్ లైట్ను విడుదల చేస్తున్నట్లు మాతృసంస్థ అయిన ఫేస్బుక్ తెలిపింది. తక్కువ డేటాను ఉపయోగించి మంచి ఫొటో, వీడియో షేరింగ్ అనుభూతిని ఈ అప్లికేషన్ ద్వారా పొందవచ్చిని పేర్కొంది. గ్రామీణ, మారుమూల ప్రాంతాల్లో నివసించే ప్రజలకు, డేటా సమస్యలు ఎదుర్కొనే వారికి ఇది ఉపయోగంగా ఉంటుందని వివరించింది.
అయితే ఇన్స్టాగ్రామ్ లైట్ అప్లికేషన్ ఆండ్రాయిడ్ వినియోగదారులకు మాత్రమే అందుబాటులో ఉంటుందని స్పష్టం చేసింది. ఐఓఎస్ వెర్షన్ కోసం ప్రణాళికలు సిద్ధం చేస్తున్నట్లు తెలిపింది. సాధారణ యాప్లో ఒక వీడియో డౌన్లోడ్కు 30ఎంబీ అవసరమైతే.. కొత్త యాప్తో కేవలం 2ఎంబీ సరిపోతుందని ఫేస్బుక్ వెల్లడించింది.
ఫేస్బుక్ లైట్ను అభివృద్ధి చేసిన వారే ఈ యాప్ను కూడా రూపొందించడంలో భాగమయ్యారు.
- ఇన్స్టా లైట్ యాప్తో వీడియో రీల్స్ చేయవచ్చు.
- ఇన్స్టా లైట్ పనితీరు మరింత విశ్వసనీయంగా ఉంచడానికి ఏఆర్ ఫిల్టర్లు, డేటా రిచ్ యానిమేషన్ వంటి వాటిని తొలిగించింది.
- తక్కువ డేటాతో ఎక్కువ ఆనందం పొందేలా స్టిక్కర్లను, జిఫ్లను యాప్లో ఉంచింది.
- కొత్త వినియోగదారులకు అర్థంకాని కొన్ని ఐకాన్లను తీసివేసింది.
- వాస్తవానికి ఇన్స్టాగ్రామ్ లైట్ 2018లోనే అందుబాటులోకి వచ్చినా.. తరువాత కాలంలో ప్లే స్టోర్ నుంచి తొలగించారు.
- భారత్లో కొత్త ఇన్స్టా యాప్ సేవలు 2020 డిసెంబర్ నుంచే అందుబాటులో ఉంచారు.
ఇదీ చూడండి: 'ఇన్స్టా'లానే వాట్సాప్లోనూ 'బూమరాంగ్' ఫీచర్
