Best Smartphones Under 25000 : కొందరు ఫోన్ల కొనుగోలుకు సంబంధించి బడ్జెట్ విషయంలో అస్సలు ఆలోచించరు. కొన్ని ఏళ్లపాటు వాడే గ్యాడ్జెట్ కావడం వల్ల వేలు పోసి మరీ కొంటుంటారు. ఈ క్రమంలో డబ్బులు కొంత ఎక్కువైనా సరే అదిరిపోయే ఫీచర్స్, లాంగ్ లైఫ్ స్పాన్తో పాటు బ్రాండెడ్ కంపెనీల ఫోన్ల కోసం అన్వేషిస్తుంటారు. అలాంటి వారి కోసమే పలు ప్రముఖ మొబైల్ కంపెనీల నుంచి బ్రాండెడ్ మొబైల్ ఫోన్లు అందుబాటులో ఉన్నాయి. అది కూడా కేవలం రూ.25వేల బడ్జెట్లోనే వీటిని తమ వినియోగదారులకు అందిస్తున్నాయి.
లావా అగ్ని 2 5జీ ఫీచర్స్..
Lava Agni 2 5G : లావా అందిస్తున్న అత్యుత్తమ స్మార్ట్ఫోన్లలో Lava Agni 2 5G ఒకటి. మీడియాటెక్‌ డైమెన్సిటీ 7050 ప్రాసెసర్‌తో ఈ ఫోన్ను విడుదల చేశారు. ఎటువంటి ఆటంకాలు లేకుండా మల్టీ టాస్కింగ్ చేసుకునే ర్యామ్ను అమర్చారు. 120 హెర్జ్‌ రిఫ్రెష్‌ రేట్‌తో 6.78 అంగుళాల కర్వ్డ్ అమోలెడ్ డిస్ప్లే ఈ మొబైల్లో ప్రత్యేకమైనదిగా చెప్పుకోవచ్చు. 67వాట్స్ ఫాస్ట్ ఛార్జింగ్తో కేవలం 16 నిమిషాల్లోనే 50 శాతం ఛార్జ్ చేసుకోవచ్చు. దీన్ని రూ.22,000 నుంచి రూ.25,000 లోపే అందిస్తోంది లావా. మల్టీమీడియా వినియోగానికి, గేమింగ్‌కు ఈ మోడల్ను సరైన ఎంపికగా చెప్పవచ్చు. దీంతో పాటు ఫోన్లోని కెమెరా సెటప్ను అద్భుతంగా తీర్చిదిద్దారు. రియర్, సెల్ఫీ మోడ్లో ఫొటోలు, వీడియోలను మంచి క్లారిటీతో క్యాప్చర్ చేయవచ్చు. నాజుగ్గా ఉండే ఈ మోడల్ లైఫ్స్పాన్ కూడా దీర్ఘకాలంగా ఉంటుంది. దీంతో మీరు ఓ ప్రీమియం ఫోన్ను వాడుతున్న అనుభూతిని పొందుతారు.
శామ్సంగ్ గెలాక్సీ ఎమ్33 5జీ స్పెక్స్ అండ్ ఫీచర్స్..
Samsung Galaxy M33 5G : శామ్సంగ్ గెలాక్సీ ఎమ్33 5జీలోని ప్రత్యేకత ఏంటంటే.. 5ఎన్ఎమ్ ఎక్సినోస్ 1280 ఎస్ఓసీతో దీని బ్యాటరీని జత చేశారు. రూ.25 వేలలోపే లభిస్తున్న ఈ మోడల్లో 6000 ఎంఏహెచ్ సామర్థ్యం గల సుదీర్ఘ బ్యాటరీ లైఫ్ను ఇస్తున్నారు. ఇదే ధర శ్రేణిలోని మిగతా ఫోన్లలో ఇలాంటి బ్యాటరీ ప్రత్యేకత లేదు. Samsung Galaxy M33 5Gలో 120 హెర్జ్‌ రిఫ్రెష్‌ రేట్‌తో 6.60 అంగుళాల సూపర్ అమోలెడ్ డిస్ప్లేను ఇస్తున్నారు. ఈ ధర శ్రేణిలో అత్యుత్తమ డిస్ప్లేను అందిస్తున్న కంపెనీ ఏదైనా ఉంది అంటే అది శామ్సంగే. అంతేకాకుండా ఇందులోని OneUI సాఫ్ట్‌వేర్, కెమెరా క్వాలిటీ, పనితీరు యూజర్కు గొప్ప అనుభవాన్ని అందిస్తుంది. మొత్తంగా లాంగ్లాస్టింగ్ బ్యాటరీలైఫ్, సూపర్ క్వాలిటీ ఫోటోలు వీడియోలు, బడ్జెట్ ఫ్రెండ్లీలో ఫోన్ కోసం వెతుకుతున్న వారికి Samsung Galaxy M33 5G ఒక్క చక్కటి ఎంపిక.
వన్ప్లస్ నార్డ్ సీఈ 3 లైట్ 5జీ స్పెక్స్ అండ్ ఫీచర్స్..
OnePlus Nord CE 3 Lite 5G : అత్యంత తక్కువ ధరకే అద్భుతమైన ఫీచర్స్తో స్మార్ట్ఫోన్ అనుభవాన్ని పొందే ఫోన్ ఆప్షన్స్లో వన్ప్లస్ నార్డ్ సీఈ 3 లైట్ 5జీ మోడల్ ఒకటి. వన్ప్లస్ ప్రీమియం గ్యాడ్జెట్ నార్డ్ 3 మోడల్లో ఉన్న డిజైన్‌ను ఇందులో చూడవచ్చు. ముఖ్యంగా వెనక నుంచి ఈ రెండు సరిపోలి ఉంటాయి. గ్రీన్ కలర్ ఈ మోడల్కు మరింత స్టైలిష్ లుక్ను జోడించింది. 120 హెర్జ్‌ రిఫ్రెష్‌ రేట్‌తో 6.72 అంగుళాల ఎల్సీడీ డిస్ప్లే, స్నాప్‌డ్రాగన్ 695 చిప్‌సెట్, 5000 ఎంఏహెచ్ బ్యాటరీ ప్రత్యేకతలు ఫాస్ట్ యూజర్ అనుభవాన్ని కలిగిస్తుంది. 67వాట్స్ ఫాస్ట్ ఛార్జింగ్ ఇందులోని మరో స్పెషాల్టి. ఆక్సిజన్ 13.1 ఓఎస్పై ఇది పనిచేస్తుంది. దీని ఇంటర్ఫేస్ను కూడా యూజర్ ఫ్రెండ్లీగా తయారు చేశారు. మొత్తంగా మీరు తక్కువ ఖర్చుతో ఆకట్టుకునే పనితీరును కోరుకుంటే OnePlus Nord CE 3 Lite 5G మీకు బెస్ట్ ఆప్షన్గా ఉంది. 8జీబీ ర్యామ్ వెర్షన్తో వచ్చిన దీని ధర రూ.22,000గా ఉంది.
పోకో X5 ప్రో 5జీ స్పెక్స్ అండ్ ఫీచర్స్..
Poco X5 Pro 5G : ఆకట్టుకునే డిజైన్తో ఉండే అద్భుతమైన స్మార్ట్ఫోన్లలో Poco X5 Pro 5G ఒకటి. ఎల్లో, ఆరిజిన్ బ్లూ, ఆస్ట్రల్ బ్లాక్ కలర్స్లో ఇది అందుబాటులో ఉంది. ఇందులో స్నాప్‌డ్రాగన్ 778 ప్రాసెసర్‌ను ఉపయోగించారు. ఎటువంటి ఆటంకాలు లేకుండా ఒకేసారి మల్టీ టాస్కింగ్ చేసే విధంగా అద్భుతమైన పనితీరును ప్రదర్శిస్తుంది. 108 మెగాపిక్సల్ కలిగిన కెమెరాలు మంచి లైటింగ్లో అద్భుతమైన పిక్చర్స్ను క్యాప్చర్ చేస్తాయి. 120 హెర్జ్‌ రిఫ్రెష్‌ రేట్‌, 6.67 అంగుళాల స్మూత్ డిస్ప్లే కలిగిన ఈ మోడల్ మల్టీమీడియా ప్రియులకు గొప్ప విజువల్స్ క్వాలిటీని అందిస్తుంది. మంచి బేస్ సౌండ్ను అందించే స్టీరియో స్పీకర్లను ఇందులో వాడారు. దీంతో ఆడియో క్వాలిటీ కూడా బ్రహ్మాండంగా వినిపిస్తుంది. 5,000 ఎంఏహెచ్ బ్యాటరీ, 67 వాట్ ఫాస్ట్ ఛార్జింగ్‌కు సపోర్ట్ చేస్తుంది. అంతేకాకుండా IP53 రేటింగ్‌తో నీరు, దుమ్ము నుంచి ఇది అదనపు రక్షణను కల్పిస్తుంది. మొత్తంగా రూ.25,000లోపు స్టైలీష్, హై-పెర్ఫార్మెన్స్, మీడియా-ఫ్రెండ్లీ స్మార్ట్ఫోన్ కోసం చూస్తున్న వారికోసం Poco X5 Pro 5G అద్భుతమైన ఎంపిక. గ్యాడ్జెట్ పనితీరు, మల్టీమీడియా ఫీచర్స్, స్టైల్ తదితర అంశాల్లో ఈ మోడల్ యూజర్ అవసరాలను తప్పక తీరుస్తుంది.
