రూ.20వేలలో 5జీ ఫోన్​ కొనాలా? ఈ టాప్​ 5 మోడల్స్​పై ఓ లుక్కేయండి!

Best Phones Under 20000: మంచి కెమెరా, పవర్​ఫుల్ బ్యాటరీ, ఫాస్ట్ ఛార్జింగ్ ఆప్షన్స్​తో తక్కువ బడ్జెట్​లోనే 5జీ స్మార్ట్​ఫోన్ కొనాలని అనుకుంటున్నారా? అయితే.. మార్కెట్​లో అందుబాటులో ఉన్న ఈ ఐదు మోడల్స్​ ఫీచర్స్​ను ఓసారి పరిశీలించండి.

Best Phones Under 20000: భారత్​లో 5జీ నెట్​వర్క్​ను సాధ్యమైనంత త్వరగా అందుబాటులోకి తెచ్చే దిశగా టెలికం సంస్థలు అడుగులు వేస్తున్నాయి. అందుకు తగినట్టే ఇప్పటికే అనేక మొబైల్ తయారీ సంస్థలు 5జీ సపోర్ట్​ చేసే అనేక మోడళ్లను మార్కెట్​లోకి విడుదల చేశాయి. అద్భుతమైన ఫొటోలు తీసుకునేందుకు వీలు కల్పించేలా వెనుకవైపు కనీసం 3 కెమెరాలు, రోజంతా పనిచేసేంత సామర్థ్యమున్న బ్యాటరీ, మరెన్నో ఫీచర్లతో కొనుగోలుదారుల్ని ఆకట్టుకునే ప్రయత్నం చేశాయి. రూ.20వేల బడ్జెట్​లో ప్రస్తుతం మార్కెట్​లో అందుబాటులో ఉన్న టాప్​-5 స్మార్ట్​ఫోన్స్​ వివరాలు చూస్తే..

OnePlus Nord CE 2 Lite:

వన్​ప్లస్​ నార్డ్ సీఈ2 లైట్

• వన్​ప్లస్​ నుంచి రూ.20వేలకన్నా తక్కువ ధరతో వచ్చిన తొలి స్మార్ట్​ ఫోన్​ వన్​ప్లస్​ నార్డ్ సీఈ2 లైట్.
• ఆండ్రాయిడ్​ ఆధారిత ఆక్సిజన్ ఓఎస్​, స్నాప్​డ్రాగన్​ 695 5జీ చిప్​సెట్​, 120హెర్జ్ ఎఫ్​హెచ్​డీ+ ఎల్​సీడీ డిస్​ప్లేతో వస్తుంది వన్​ప్లస్​ నార్డ్ సీఈ2 లైట్.
• ఈ మొబైల్​కు వెనుకవైపు 64 మెగా పిక్సల్​ కెమెరాతోపాటు రెండు 2 మెగా పిక్సల్ కెమెరాలు ఉంటాయి. సెల్ఫీల కోసం 16 మెగా పిక్సల్ కెమెరా ఇచ్చింది వన్​ప్లస్.
• 33వాట్​ ఫాస్ట్​ ఛార్జింగ్​తో 5000 ఎంఏహెచ్ బ్యాటరీ ఈ మొబైల్​లో ఉంటుంది.
• రూ.20వేలకు 6జీబీ/128జీబీ వేరియంట్ మాత్రమే లభిస్తుంది. అంతకన్నా ఎక్కువ ర్యామ్ కావాలంటే బడ్జెట్​ను కాస్త పెంచాల్సిందే.

Redmi Note 11 Pro/ Pro+:

రెడ్​మీ నోట్​ 11 ప్రో

• 6.67 అంగుళాల ఎఫ్​హెచ్​డీ+ 120హెర్జ్​ అమోలెడ్ డిస్​ప్లే, మీడియాటెక్ హీలియో జీ96 ప్రాసెసర్​తో వస్తుంది రెడ్​మీ నోట్​ 11 ప్రో.
• రెడ్​మీ నోట్​ 11 ప్రో 5జీ నెట్​వర్క్​ సపోర్ట్ చేయదు.
• వెనుక వైపు 108 ఎంపీ కెమెరాతో పాటు 8 మెగా పిక్సల్ అల్ట్రావైడ్​ కెమెరా, 2 ఎంపీ మ్యాక్రో కెమెరా ఉంటాయి. ముందువైపు 16 మెగా పిక్సల్ కెమెరా ఉంటుంది.
• ఇంట్లోని స్మార్ట్​ అప్లయన్సెన్స్ కంట్రోల్ చేసేందుకు వీలుగా రెడ్​మీ నోట్​ 11 ప్రోలో షావోమీ ఐఆర్​ బ్లాస్టర్​ ఉంటుంది.
• 67 వాట్ ఫాస్ట్ ఛార్జింగ్, 5000 ఎంఏహెచ్ బ్యాటరీ, యూఎస్​బీ పీడీ, క్వాల్కమ్ క్విక్ ఛార్జ్ 3.0 రెడ్​మీ నోట్​ 11 ప్రో ప్రత్యేకతలు.
• 5జీని సపోర్ట్​ చేసే స్నాప్​డ్రాగన్ 695 చిప్​సెట్​తో రెడ్​మీ నోట్​ 11 ప్రో+ కూడా అందుబాటులో ఉంది. ఈ మోడల్ ప్రారంభ ధర రూ.20,999.

Poco X4 Pro:

పోకో ఎక్స్​4 ప్రో.

• 6.67 అంగుళాల ఎఫ్​హెచ్​డీ+ 120హెర్జ్​ అమోలెడ్ డిస్​ప్లే, స్నాప్​డ్రాగన్​ 695 చిప్​సెట్​తో వస్తుంది పోకో ఎక్స్​4 ప్రో.
• గ్లాస్ సాండ్​విచ్ డిజైన్, పోకో ఎల్లో కలర్​తో.. రిచ్​గా కనిపిస్తుంది ఈ మోడల్.
• వెనుకవైపు 64 మెగా పిక్సల్ మెయిన్​ కెమెరా, 8 ఎంపీ అల్ట్రావైడ్​, 2 మెగా పిక్సల్ మ్యాక్రో కెమెరా ఉంటాయి. సెల్ఫీల కోసం 16 మెగా పిక్సల్ కెమెరా ఇచ్చింది పోకో.
• 67 వాట్ ఫాస్ట్ ఛార్జింగ్, 5000 ఎంఏహెచ్ బ్యాటరీ, యూఎస్​బీ పీడీ, క్వాల్కమ్ క్విక్ ఛార్జ్ 3.0 పోకో ఎక్స్​4 ప్రో ప్రత్యేకతలు.

Realme 9 5G Speed Edition:

రియల్​మీ 9 5జీ స్పీడ్

• స్నాప్​డ్రాగన్​ 778జీ చిప్​సెట్​తో అందుబాటులో ఉన్న అత్యంత చౌకైన్ స్మార్ట్​ఫోన్స్​లో రియల్​మీ 9 5జీ స్పీడ్​ ఒకటి.
• 144 హెర్జ్ ఎఫ్​హెచ్​డీ+ ఐపీఎస్​ ఎల్​సీడీ డిస్​ప్లేతో వస్తుంది ఈ మోడల్.
• వెనుక వైపు 48 మెగా పిక్సల్ మెయిన్ కెమెరాతో పాటు రెండు 2 ఎంపీ సెన్సార్లు ఉంటాయి. ముందువైపు 16 మెగా పిక్సల్​ కెమెరా ఇచ్చింది రియల్​మీ.
• రియల్​మీ 9 5జీ స్పీడ్​ ఎడిషన్​లో 30 వాట్ ఫాస్ట్ ఛార్జింగ్ సపోర్ట్​తో 5000 ఎంఏహెచ్​ బ్యాటరీ ఉంటుంది.

Motorola G71 5G:

మోటొరొలా జీ71 5జీ

• 6.4 అంగుళాల ఎఫ్​హెచ్​డీ+ అమోలెడ్​ స్క్రీన్​, స్నాప్​డ్రాగన్​ 5జీ చిప్​సెట్​తో వస్తుంది మోటొరొలా జీ71 5జీ.
• వెనుకవైపు 50 మెగా పిక్సల్ మెయిన్ కెమెరా, 8 ఎంపీ అల్ట్రా వైడ్ కెమెరా, 2 మెగా పిక్సల్ కెమెరా ఉంటాయి.
• 30 వాట్ ఫాస్ట్ ఛార్జింగ్ సపోర్ట్​తో 5000 ఎంఏహెచ్​ బ్యాటరీ ఉంటుంది.

ఇదీ చదవండి:Jio Phone Next: జియో ఫోన్​పై డిస్కౌంట్‌ ఆఫర్‌.. ఎక్స్ఛేంజ్​పై రూ.2 వేల తగ్గింపు