రూ.30 వేల బడ్జెట్లో మంచి కెమెరా ఫోన్ కొనాలా? టాప్​-5 ఆప్షన్స్​ ఇవే!

Best Camera Phones Under 30000 In Telugu : మీరు రూ.30 వేలు బడ్జెట్లో మంచి కెమెరా ఉన్న హై-ఎండ్ స్మార్ట్​ఫోన్​ కొనాలని అనుకుంటున్నారా? అయితే ఇది మీ కోసమే. ప్రస్తుతం మార్కెట్లో ఉన్న టాప్​-5 కెమెరా ఫోన్లు గురించి, వాటి ఫీచర్స్​, స్పెక్స్​ గురించి ఈ ఆర్టికల్​లో తెలుసుకుందాం.

Best Camera Phones Under 30000 : సోషల్ మీడియా మానియా నడుస్తున్న నేటి కాలంలో ప్రతి ఒక్కరూ మంచి కెమెరా ఉన్న స్మార్ట్​ఫోన్​ కొనుగోలు చేయాలని ఆశిస్తున్నారు. అందుకే వీరిని దృష్టిలో ఉంచుకుని, ప్రముఖ మొబైల్ తయారీ కంపెనీలు అన్నీ హై-రిజల్యూషన్​తో, సూపర్ క్వాలిటీ ఫొటోలు, వీడియోలు తీయగలిగే కెమెరా ఫోన్లను తయారు చేస్తున్నాయి. సాధారణ స్మార్ట్​ఫోన్ లవర్స్​కు మాత్రమే కాదు, ప్రొఫెషనల్ కెమెరామ్యాన్​లకు కూడా ఉపయోగపడే రీతిలో వీటిని రూపొందిస్తున్నాయి. కొన్ని ఫోన్లు అయితే ఏకంగా మూవీ కూడా తీయగలిగే సూపర్ కెమెరాలతో వస్తున్నాయి. అందుకే ప్రస్తుతం మార్కెట్లో రూ.30,000 బడ్జెట్లో లభిస్తున్న టాప్​-5 కెమెరా ఫోన్ల గురించి ఇప్పుడు తెలుసుకుందాం.

1. Samsung Galaxy F54 5G Features :ఈ శాంసంగ్​ గెలాక్సీ ఎఫ్​54 5జీ ఫోన్​లో 108 MP సామర్థ్యంగల పవర్​ఫుల్​ కెమెరా ఉంది. ఈ కెమెరాలో ఇన్​-బిల్ట్ స్టెబిలైజేషన్​ కూడా ఉంది. కనుక మంచి క్వాలిటీ ఫొటోస్​, వీడియోస్​ దీని ద్వారా తీసుకోవచ్చు. అదే విధంగా ఈ స్మార్ట్​ఫోన్​లో 8MP ఆల్ట్రా-వైడ్​ లెన్స్​, 2MP మాక్రో లెన్స్ కూడా ఉన్నాయి. వీటిలోపాటు 32 MP సెల్ఫీ కెమెరా కూడా ఉంది. సెల్ఫీ లవర్స్​కు ఇది ఎంతో బాగా నచ్చుతుంది.

శాంసంగ్​ గెలాక్సీ ఎఫ్​54 5జీ

Samsung Galaxy Nightography : ఈ శాంసంగ్ గెలాక్సీ స్మార్ట్​ఫోన్​లో నైటోగ్రఫీ ఫీచర్​ ఉంది. అందుకే దీనితో చాలా తక్కువ వెలుతురులోనూ, మంచి క్వాలిటీ చిత్రాలను తీయవచ్చు. అంతేకాదు దీనిలో నోనా-బైనింగ్​ టెక్నాలజీని కూడా వాడారు. ఇది లైటింగ్​ను మరింత ఎన్హాన్స్​ చేస్తుంది. ఈ గెలాక్సీ ఫోన్​లో నైట్​ మోడ్​, ఆటో నైట్​ మోడ్​ ఫీచర్లు కూడా ఉన్నాయి. వీటితో చిమ్మ చీకటిలోనూ సూపర్​ ఫొటోలు తీయవచ్చు. శాంసంగ్​ ఈ గెలాక్సీ ఫోన్​లో ఏఐ బేస్డ్ మల్టీ-ఫ్రేజ్ ప్రాసెసింగ్ టెక్నాలజీని కూడా పొందుపరిచింది. దీనిని ఉపయోగించి ఒకేసారి 12 ఫ్రేమ్​లను క్యాప్చర్ చేయవచ్చు. అంటే ప్రొఫెషనల్​ లెవల్​లో హై-క్వాలిటీ ఫొటోలు, వీడియోలు తీసుకోవచ్చు.

శాంసంగ్​ గెలాక్సీ ఎఫ్​54 కెమెరా సెటప్​

స్టెబిలైజేషన్ : ఈ శాంసంగ్ ఫోన్​లో డ్యూయెల్​-ట్రాక్ ఇమేజ్​ స్టెబిలైజేషన్ ఫెసిలిటీ ఉంది. దీనిలోని OIS హార్డ్​వేర్ 1.5 డిగ్రీ యాంగిల్​ కరెక్షన్ చేస్తుంది. కనుక ఎలాంటి షేక్​లు లేకుండా వీడియో రికార్డ్ చేసుకోవచ్చు. అంతేకాదు ఈ గెలాక్సీ ఫోన్​లో VDIS సాఫ్ట్​వేర్​ కూడా ఉంది. దీనిని ఉపయోగించి, ఎలాంటి షేక్స్ లేకుండా వీడియో తీసుకోవచ్చు, అలాగే సరిచేసుకోవచ్చు.

శాంసంగ్​ గెలాక్సీ ఎఫ్​54 5జీ

టైమ్ లాప్స్​ :ఈ శాంసంగ్ గెలాక్సీ ఫోన్​లో ఆస్ట్రోల్యాప్స్​ ఫీచర్​ ఉంది. దీనిని ఉపయోగించి మీరు టైమ్​-ల్యాప్స్ వీడియోను తీసుకోవచ్చు. ప్రొఫెషనల్ వీడియో గ్రాఫర్స్​కు, ట్రావెలర్స్​కు ఇది ఎంతో ఉపయోగపడుతుంది. అంతేకాదు ఈ ఫోన్​తో సింగిల్ టేక్​లో మల్టిపుల్ ఫొటోలు, వీడియోలు తీసుకోవచ్చు. ఫన్​మోడ్​ను కూడా యాడ్ చేసుకోవచ్చు. సింపుల్​గా చెప్పాలంటే, ఈ శాంసంగ్ ఫోన్​తో చిన్నపాటి సినిమా తీసేయవచ్చు.

శాంసంగ్​ గెలాక్సీ ఎఫ్​54 5జీ

శాంసంగ్​ గెలాక్సీ ఎఫ్​54 స్మార్ట్​ఫోన్​

2. OnePlus Nord 2T 5G Features : ఈ వన్​ప్లస్​ నార్డ్​ 2టీ 5జీ స్మార్ట్​ఫోన్​లో 50 మెగా పిక్సెల్​ సోనీ IMX766 సెన్సార్ ఉంది. ఈ ప్రైమరీ కెమెరాతో స్టన్నింగ్​ ఫొటోలు, వీడియోలు తీసుకోవచ్చు. అలాగే దీనిలో 8 మెగా పిక్సెల్​ ఆల్ట్రా-వైడ్-యాంగిల్​ కెమెరా కూడా ఉంది. వీటితోపాటు రెండు 2-మెగా పిక్సెల్​ సెన్సార్స్ కూడా ఉన్నాయి.

వన్​ప్లస్​ నార్డ్​ 2టీ 5జీ స్మార్ట్​ఫోన్

ఈ వన్​ప్లస్​ ప్రైమరీ కెమెరా ఆప్టికల్​ ఇమేజ్ స్టెబిలైజేషన్​ (OIS) ఫీచర్​తో వస్తుంది. కనుక ఎలాంటి షేక్​లు లేకుండా మంచి క్లారిటీతో, హై-రిజల్యూషన్​ ఫొటోలు, వీడియోలను తీసుకోవచ్చు.

వన్​ప్లస్​ నార్డ్​ 2టీ స్మార్ట్​ఫోన్ కెమెరా సెటప్​

వన్​ప్లస్​ నార్డ్​ 2టీ 5జీ స్మార్ట్​ఫోన్స్

3. IQOO Neo6 5G Features :ఈ ఐకూ నియో6 ఫోన్​లో ఆప్టికల్ స్టెబిలైజేషన్​తో హై-రిజల్యూషన్ ప్రైమరీ కెమెరా ఉంది. దీనితోపాటు 8 MP ఆల్ట్రావైడ్​ కెమెరా, 2MP మైక్రో రియర్ కెమెరాలు కూడా ఉన్నాయి.

ఐకూ నియో6 5జీ స్మార్ట్​ఫోన్స్​

ఈ ఐకూ నియో6లోని ప్రైమరీ కెమెరా అనేది 0.8 మైక్రోమీటర్స్​ పిక్సెల్‌,​ 64MP శాంసంగ్​ (S5K) GW1 1/1.72 సెన్సార్​, 25 mm f/1.9 లెన్స్​తో జతకలిసిన టెట్రాపిక్సెల్ ఫిల్టర్​ కలిగి ఉంది. కనుక ఈ కెమెరాతో హై-క్వాలిటీ ఫొటోలు, వీడియోలు తీసుకోవచ్చు.

ఐకూ నియో6 5జీ కెమెరా

ఐకూ నియో6 5జీ

4. Redmi Note 12 Pro Plus 5G Features :రెడ్​మీ నోట్​ 12 ప్రో ప్లస్​ 5జీ ఫోన్​లో 200MP శాంసంగ్​ HPX కెమెరా ఉంది. దీనితో పాటు ఈ ఫోన్​లో 8MP అల్ట్రావైడ్​ సెన్సార్​, 2MP మాక్రో షూటర్​ కూడా ఉంది. ఈ కెమెరాలు అన్నీ ఆప్టికల్​ ఇమేజ్ స్టెబిలైజేషన్ ఫీచర్​ కలిగి ఉన్నాయి. అంతేకాదు ఈ ఫోన్​తో 4k వీడియోలు కూడా రికార్డ్ చేసుకోవచ్చు.

రెడ్​మీ నోట్​ 12 ప్రో ప్లస్ స్మార్ట్​ఫోన్స్​

ఈ రెడ్​మీ నోట్ 12 ప్రో ప్లస్​ ఫోన్​లో 16MP ఫ్రంట్​ కెమెరా ఉంది. దీనితో కూడా మంచి క్వాలిటీ ఇమేజ్​లను తీసుకోవచ్చు. కనుక సెల్ఫీ లవర్స్​ అందరికీ ఇది ఎంతో నచ్చుతుంది.

రెడ్​మీ నోట్​ 12 ప్రో ప్లస్​ కెమెరా

5. POCO F5 5G Features :ఈ పోకో ఎఫ్​5 5జీ ఫోన్​లో వెర్సటైల్​ ట్రిపుల్ రియర్ కెమెరా సెటప్ ఉంది. ముఖ్యంగా 64MP ప్రైమరీ కెమెరా, 8MP ఆల్ట్రావేడ్​ లెన్స్​, 2MP మాక్రో లెన్స్ ఇందులో ఉన్నాయి. వెలుతురుతో సంబంధం లేకుండా ఏ సమయంలోనైనా ఈ ఫోన్​తో స్టన్నింగ్​ ఫొటోస్​, వీడియోస్ తీసుకోవచ్చు.

పోకో ఎఫ్​5 5జీ

ఈ పోకో ఎఫ్​5 స్మార్ట్​ఫోన్​లో '2x లాస్​లెస్​ ఇన్​-సెన్సార్ జూమ్'​ ఫీచర్​ ఉంది. ఇది పిక్చర్ క్వాలిటీని బాగా పెంచుతుంది. అంతేకాదు ఈ ఫోన్​లో 7 రకాల మోడ్స్​తో ఫిల్మ్ కెమెరా ఫీచర్లు కూడా ఉన్నాయి. ఈ పోకో ఫోన్​లో 16MP ఫ్రంట్ కెమెరా ఉంది. దీనితో కూడా మంచి ఫొటోలు తీసుకోవచ్చు. కానీ వెలుతురు తక్కువగా ఉన్నప్పుడు దీని పనితీరు సాధారణంగా ఉంటుంది. మంచి లైటింగ్ కండిషన్స్​ ఉన్నప్పుడు మాత్రం ఇది అద్భుతంగా పనిచేస్తుంది.

పోకో ఎఫ్​5 5జీ కెమెరా సెటప్​