వాట్సాప్ 'వెబ్' కి అదనపు సెక్యూరిటీ

వాట్సాప్​.. కొత్త సెక్యూరిటీ ఫీచర్​ను తీసుకొచ్చింది. డెస్క్​టాప్​ కంప్యూటర్లు, ఇతర వెబ్ ప్లాట్‌ఫామ్​లపై వాట్సాప్​ ఉపయోగించే వారు ఈ ఫీచర్​ను వాడాల్సిందే.. లేదంటే ఎవరైనా వెబ్ వాట్సాప్​ని ఓపెన్ చేసి చూసేందుకు అవకాశం లేకపోలేదు. అందుకే కొత్తగా ప్రవేశ పెడుతున్న సెక్యూరిటీ సౌకర్యాన్ని ఎనేబుల్ చేసుకుంటే మీకే మంచింది.

ఎప్పటి నుంచో వాట్సాప్​ని డెస్క్​టాప్​ కంప్యూటర్లు, ఇతర వెబ్ ప్లాట్‌ఫామ్​లపై వాడేస్తున్నాం. ఇందుకోసం సింపుల్​గా ఫోన్ డెస్క్​టాప్​, వెబ్​లలో వచ్చే క్యూఆర్ కోడ్​ని స్కాన్ చేస్తే చాలు. మీరే కాదు మీ ఫోన్లో ఎవరైనా వెబ్ వాట్సాప్​ని ఓపెన్ చేసి చూసేందుకు అవకాశం లేకపోలేదు. అందుకే ఎట్టి పరిస్థితుల్లోనూ ఇతరులెవరూ వెబ్ వాట్సాప్​ని ఓపెన్ చేయకుండా ఉండాలంటే ఇప్పుడు వాట్సాప్ కొత్తగా ప్రవేశపెడుతున్న సెక్యూరిటీ సౌకర్యాన్ని ఎనేబుల్ చేసుకోండి.

దీంతో వాట్సాప్ వెబ్​లో ఓపెన్ చేయాలంటే.. మీ ఫింగర్ ప్రింట్ తప్పనిసరిగా కావాలి లేదా ఫేస్ ఐడీని అయినా అన్​లాక్ చేసేందుకు పెట్టుకోవచ్చు. అంటే... ఫింగర్ ప్రింట్ లేదా ఫేస్ ఐడీ ఉంటేనే వెబ్ వాట్సాప్​ ఓపెన్ చేయడం సాధ్యం అవుతుందన్నమాట. అన్​లాక్ చేశాక, క్యూఆర్​ కోడ్​ను స్కాన్ చేస్తే గానీ వాట్సాప్ ప్లాట్‌ఫామ్ ప్రత్యక్షమవదు. అంతేకాదు... ఈ సదుపాయాన్ని ఎనేబుల్ చేయడం ద్వారా ఇతరులు ఎవరైనా మీ ప్రమేయం లేకుండా వెబ్లో వాట్సాప్​ వాడేందుకు ప్రయత్నిస్తే నోటిఫికేషన్ రూపంలో మీకు ఆలర్ట్ వస్తుంది కూడా.

ఇదీ చదవండి:నాంపల్లి ఇంటర్​బోర్డు కార్యాలయం వద్ద ఏబీవీపీ ఆందోళన