ప్రముఖ టెక్ దిగ్గజం యాపిల్ నుంచి రానున్న మరో బడ్జెట్ ఫోన్కు సంబంధించిన ఫీచర్లు నెట్టింట్లో హాల్చల్ చేస్తున్నాయి. యాపిల్ బడ్జెట్ సెగ్మెంట్లో ఎస్ఈకి కొనసాగింపుగా.. ఎస్ఈ 2022 పేరుతో ఈ ఫోన్ మార్కెట్లోకి రానున్నట్లు సమాచారం. ఇప్పటికే ఈ సెగ్మెంట్లో ఎస్ఈ, ఎస్ఈ 2020లు మంచి ఆదరణ దక్కించుకున్నాయి.
రోస్ యంగ్ అనే ఓ టెకీ యాపిల్ ఎస్ఈ 2022 ఫీచర్లు లీకైనట్లు ట్వీట్ చేశారు. యంగ్ ట్వీట్ ప్రకారం ఐఫోన్ 2022 మోడల్ 4.7 అంగుళాల ఎల్‌సీడీ డిస్‌ప్లేతో రానుంది. ఇదిలా ఉంటే 2023 మోడల్ 6.1 అంగుళాల స్క్రీన్‌తో మరింత పెద్దదిగా ఉండబోతోందని తెలుస్తోంది. ఐఫోన్ ఎస్ఈ 2023 వెర్షన్‌లో పంచ్ హోల్ డిస్ప్లే ఉండనున్నట్లు సమాచారం. ఈ రెండు వేరియంట్లకు 5జీ సపోర్ట్ ఉండనుంది.