How eSIM works: స్విమ్‌ స్వాప్‌ ద్వారా జరిగే సైబర్ నేరాలకు చెక్ పెట్టేందుకు మొబైల్ తయారీ కంపెనీలు ఎలక్ట్రానిక్ సిమ్ (ఈ-సిమ్- eSIM) సాంకేతికతపై దృష్టి సారించాయి. యాపిల్ కంపెనీ త్వరలో విడుదల చేయనున్న ఐఫోన్ 14లో సాధారణ సిమ్ కార్డ్ లేకుండా పూర్తిగా ఈ-సిమ్ సాంకేతికతను అందుబాటులోకి తీసుకురానుంది. ఈ నేపథ్యంలో ఈ-సిమ్ గురించి నెటిజన్లలో చర్చ మొదలైంది. అసలు ఈ-సిమ్ అంటే ఏంటి? ఇది ఎలా పనిచేస్తుంది? దీన్ని ఎలా పొందాలో తెలుసుకుందాం.
ఈ-సిమ్ అంటే?
సాధారణ మొబైల్ సిమ్‌కు డిజిటల్‌ వెర్షనే ఈ-సిమ్. దీన్ని భౌతికంగా మొబైల్‌లోని సిమ్ స్లాట్‌లో ఉంచాల్సిన అవసరంలేదు. ఈ సాంకేతికత మీరు ఎంచుకున్న నెట్‌వర్క్‌కు మీ మొబైల్‌ను డిజిటల్‌గా అనుసంధానిస్తుంది. ఇందుకోసం యూజర్స్ రీఛార్జ్ చేసుకున్నట్లు మొబైల్ నెట్‌వర్క్‌కు సబ్స్క్రైబ్ చేసుకోవాలి. ముందుగా మీరు నెట్వర్క్ ఆప్‌రేటర్‌కు సంబంధించిన అవుట్‌లెట్‌కు వెళ్లి మీ గుర్తింపు పత్రాలని సమర్పించాలి. తర్వాత నెట్వర్క్ ఆపరేటర్‌ నుంచి మీ ఫోన్‌కు కోడ్ వస్తుంది. ఆ కోడ్‌తో మీ మొబైల్‌లో ఈ-సిమ్ ప్రొఫైల్ క్రియేట్‌ అవుతుంది. దాంతో మీరు సబ్స్క్రైబ్ చేసుకున్న నెట్వర్క్ కంపెనీ సేవలను పొందొచ్చు. కొన్ని నెట్వర్క్ ఆపరేటింగ్ కంపెనీలు యూజర్‌ అవుట్‌లెట్‌కు వెళ్లాల్సిన అవసరం లేకుండానే ఈ-సిమ్‌ను కేటాయిస్తున్నాయి. ప్రస్తుతం భారత్‌లో ఎయిర్‌టెల్‌, జియో, వొడాఫోన్‌ ఐడియా కంపెనీ ఈ-సిమ్ సేవలను అందిస్తున్నాయి.
ఫోన్లతోపాటు వీటిలోనూ..