5 Upcoming Compact SUVs : అత్యాధునిక హంగులతో రానున్న టాప్​ 5 కార్లు ఇవే.. లాంఛ్​ అప్పుడే..

5 Upcoming Compact SUVs Launching Soon : మరికొద్ది రోజుల్లోనే ప్రముఖ ఆటోమొబైల్ సంస్థల నుంచి అత్యాధునిక హంగులతో కూడిన న్యూ వెర్షన్​ కార్లు మార్కెట్​లోకి రాబోతున్నాయి. మరి అవి ఏ కంపెనీల కార్లు, లాంఛ్​ డేట్​ ఎప్పుడు వంటి వివరాలు మీ కోసం.

5 Upcoming Compact SUVs : కార్​ లవర్స్​కు గుడ్​ న్యూస్​. మరి కొద్ది నెలల్లోనే ప్రముఖ ఆటోమొబైల్ సంస్థలైన టాటా, మహీంద్రా, కియా, టయోటా నుంచి కొత్త కార్లు మార్కెట్​లోకి రాబోతున్నాయి. అత్యాధునిక హంగులతో రూపుదిద్దుకున్న ఈ కార్లను మరో ఆరు నుంచి తొమ్మిది నెలల్లోనే లాంఛ్​ చేయనున్నారు.

టాటా పంచ్​ సీఎన్​జీ(Tata Punch CNG)
ఇటీవలే టాటా మోటార్స్ లాంఛ్​ చేసిన హుందాయ్​ ఎక్స్​టర్ సీఎన్​జీ మోడల్​కు దీటుగా టాటా పంచ్​ సీఎన్​జీ వెర్షన్​ను ఈ నెల ప్రారంభంలోనే పరిచయం చేయనుంది టాటా మోటార్స్​. ఈ సంవత్సరం ప్రారంభంలో జరిగిన గ్లోబల్​ ఆటో ఎక్స్‌పోలో పంచ్ CNGని లాంఛ్​ చేశారు నిర్వాహకులు. ఇది ఆల్ట్రోజ్ CNG మాదిరిగానే ట్విన్-సిలిండర్ టెక్నాలజీని కలిగి ఉంది. ఇందులో 1.2ఎల్​ ఎన్ఏ పెట్రోల్​ ఇంజిన్​ను అమర్చనున్నారు. CNG మోడ్​లో 73.5 పీఎస్​ నడిచేలా దీన్ని తయారు చేస్తున్నారు.

టాటా నెక్సాన్​ ఫేస్​లిఫ్ట్​(Tata Nexon Facelift)
త్వరలో రానున్న ఈ Tata Nexon Faceliftని.. Curvv కాన్సెప్ట్ ప్రేరణతో డిజైన్​ను చేస్తున్నారు. ఆరేళ్ల జీవితకాలంలో కాంపాక్ట్ SUVకి రెండవ అతిపెద్ద అప్‌డేట్​గా నిలవనుంది. ఎక్స్​టీరియర్​తో పాటు ఇంటిరీయర్​ కూడా పూర్తిగా రీ-డిజైన్​ చేస్తున్నారు. కొత్త స్టీరింగ్​ వీల్​, ఇల్యూమినేటెడ్ లోగో, టచ్-బేస్డ్ క్లైమేట్ కంట్రోల్స్, పెద్ద టచ్‌స్క్రీన్ 360 డిగ్రీల కెమెరా సిస్టమ్ సహా మరిన్ని హంగులతో Tata Nexon Facelift త్వరలోనే లాంఛ్​ కానుంది. 1.2ఎల్​ డీఐ టర్బో పెట్రోల్​ ఇంజిన్​ను ఇందులో అమర్చనున్నారు.

కియా సోనెట్ ఫేస్‌లిఫ్ట్(Kia Sonet Facelift)
ఈ ఏడాది చివరిలోపు ఈ మోడల్​ గ్లోబల్​ మార్కెట్​లోకి రానుంది. అయితే భారత్​లోకి మాత్రం 2024 ప్రారంభంలో వచ్చే అవకాశం ఉంది. ఇంటీరియర్​తో పాటు మెకానికల్​ పరంగానూ ఎన్నో సరికొత్త అప్​డేట్​లను ఈ మోడల్​లో వాడనున్నారు. మున్ముందు అధునాతన సాంకేతికతలను కూడా ఇందులో వినియోగించనున్నారు.

టయోటా కాంపాక్ట్(SUV Toyota Compact SUV)
మారుతీ సుజుకి ఫ్రాంక్స్​కు అప్​డేటెడ్​ వెర్షన్​గా టయోటా టైసర్​ను మార్కెట్​లోకి తేనున్నారు. ఇంటిరీయర్​తో పాటు ఎక్స్​టీరియర్ కూడా సరికొత్త మార్పులతో రూపొందుతుంది Toyota Compact SUV. 1.2ఎల్​ ఎన్​ఏ కే-సిరీస్ పెట్రోల్, 1.0ఎల్​ ట్రిపుల్​-సిలిండర్ టర్బో పెట్రోల్ ఇంజిన్‌లను ఈ మోడల్​లో వినియోగించనున్నారు.

మహీంద్రా XUV300 ఫేస్‌లిఫ్ట్(Mahindra XUV300 Facelift)
మహీంద్రా XUV300కు కొనసాగింపుగా మహీంద్రా XUV300 ఫేస్‌లిఫ్ట్​ను తీసుకొస్తోంది మహీంద్రా సంస్థ. వచ్చే ఏడాది జూన్​లోపు ఇది అందుబాటులోకి వచ్చే అవకాశం ఉంది. XUV700ను ప్రేరణగా తీసుకొని దీనిని రూపొందిస్తున్నారు. ప్రస్తుతం ఉన్న 1.2ఎల్​ టర్బో పెట్రోల్, 1.5ఎల్​ డీజిల్ ఇంజన్‌లను దీంట్లో వినియోగించనున్నారు. ఇంటిరీయర్​ డిజైన్​లో కూడా భారీ మార్పులు చేయనున్నారు.

• ఇవీ చదవండి :