పసందైన 'కొబ్బరి బర్ఫీ'ని ఆస్వాదించండిలా..

తీపి పదార్థాల్లో కొబ్బరి కలిసిందంటే చాలు.. ఆ రుచే వేరు. మరి, ఆ కొబ్బరితోనే ఓ తీపి పదార్థాన్ని చేస్తే దాని రుచి అమోఘం. ఇంకెందుకు ఆలస్యం.. ఆ రుచిని ఇంట్లోనే ఆస్వాదించండిలా...

కొబ్బరి తురుము, పంచదార మిశ్రమంతో అద్భుతమైన 'కొబ్బరి బర్ఫీ'ని తయారు చేసుకోవచ్చు. అదెలాగంటారా? ఇదిగో ఇలా చేస్తే సరి...

కావలసినవి:

• కొబ్బరి తురుము: 2 కప్పులు
• పాలు: 3 కప్పులు
• మీగడ: అరకప్పు
• కుంకుమపువ్వు: కొద్దిగా
• పంచదార: 400 గ్రాములు
• యాలకులపొడి: అరటీస్పూను

తయారుచేసే విధానం:

పాన్‌లో పాలు, కొబ్బరి తురుము, మీగడ, పంచదార వేసి కలుపుతూ సిమ్‌లో ఉడికించాలి. మిశ్రమం దగ్గర పడ్డాక అందులోకి యాలకుల పొడి, పాలల్లో కలిపిన కుంకుమపువ్వు టీస్పూను వేసి కలిపి దించాలి. ఇప్పుడు ఈ మిశ్రమాన్ని నెయ్యి రాసిన ప్లేటులో వేసి అట్లకాడతో సమంగా సర్దాలి. ఈ మిశ్రమం ఆరాక.. మనకు కావల్సిన ఆకారంలో ముక్కలుగా కోసుకుంటే సరి. ఎంతో రుచికరమైన కొబ్బరి బర్ఫీ తయారైనట్లే.

ఇదీ చదవండి:'కోకోనట్‌ రైస్‌ పుడ్డింగ్‌' సింపుల్​ రెసిపీ