కొన్ని రెసిపీలు కొన్ని ప్రాంతాల వారు ఇష్టంగా తింటారు. కానీ, దహీ వడను మాత్రం యావత్ దేశం ఇష్టపడుతుంది. దాదాపు అన్ని రాష్ట్రాల్లోనూ ప్రఖ్యాతి గాంచిన దహీ వడలోని పోషకాలు, దాని రుచి అలాంటివి మరి. మరి ఆ టేస్టీ పెరుగు వడ ఇలా ఇంట్లోనే చేసుకుని మీరూ రుచి చూడండి...
నోరూరించే 'దహీ వడ' సింపుల్ రెసిపీ కావాల్సినవి ఇవే...
- పెసరపప్పు- అర కప్పు
- మినప్పప్పు -అర కప్పు
- ఉప్పు- తగినంత
- ఎండు ద్రాక్షలు- 2 టేబుల్ స్పూన్లు
- పచ్చిమిర్చి- 1 టేబుల్ స్పూన్
- తరిగిన అల్లం- 1 టేబుల్ స్పూన్
- శనగ పిండి-2 టేబుల్ స్పూన్లు
- నూనె- డీప్ ఫ్రైకి సరిపడా
- తాజా పెరుగు- 2 కప్పులు
- నల్ల ఉప్పు- 1 టీస్పూన్
- చక్కెర - 2 టేబుల్ స్పూన్లు
- పాపడ్ (చిన్న అప్పాలు) - 7
- పుదీన చట్నీ- రుచికి సరిపడా
- ఖర్జూర చట్నీ-రుచికి సరిపడా
- జీలకర్ర పొడి- చిటికెడు
తయారీ ఇలా...
నాలుగు గంటలు నానబెట్టుకున్న పెసరపప్పు, మినప్పప్పులను మెత్తగా, చిక్కగా గ్రైండ్ చేయాలి. ఆ మిశ్రమంలో ఎండు ద్రాక్షలు, పచ్చిమిర్చి, తరిగిన అల్లం, శనగపిండి వేసి బాగా కలపాలి. ఇప్పుడు బాగా కాగిన నూనెలో పిండిని చిన్న చిన్న గారెలుగా లేదా ఉండలుగా వేసి.. బంగారు రంగు వచ్చే వరకు ఫ్రై చేయాలి. ఈ వడలను 10-15 నిమిషాల పాటు నీటిలో నానబెట్టాలి. ఆపై పెరుగులో నల్ల ఉప్పు, చక్కెర వేసి బాగా గిలక్కొట్టాలి. ఆపై, నానబెట్టుకున్న వడలోంచి నీరు పిండేసి... పాపడ్లపై పెట్టి వడ మునిగేంత వరకు పెరుగు వేయాలి. పుదీనా, ఖర్జూరం చట్నీ, జీలకర్రపొడి వేసుకోవాలి. చివరగా దానిమ్మ గింజలు వేసి వడ్డిస్తే.. కమ్మని దహీవడ రుచికి ,తిన్నవారంతా ఫిదా అయిపోతారు.
మరి ఈ సింపుల్ దహీ వడ మీరూ ట్రై చేసి.. మీ అభిప్రాయాన్ని ఈటీవీ భారత్తో పంచుకోవడం మాత్రం మర్చిపోకండి.
ఇదీ చదవండి: టేస్టీ 'స్టఫ్డ్ ఎగ్..' నూనె లేకుండా సింపుల్గా చేసుకోండిలా!
