How to Make Khubani Ka Meetha Telugu:స్వీట్ అంటే చాలా మందికి ఇష్టమే. బయట మార్కెట్లో రకరకాల స్వీట్లు అందుబాటులో ఉన్నా ఇంట్లో చేసుకుంటే ఆ రుచే వేరు. అయితే చాలా మంది సింపుల్గా తయ్యారయ్యే స్వీట్ ఏంటో అని తెగ వెతికేస్తారు. మీకు ఆ శ్రమ లేకుండానే మేము ఓ వంటకం గురించి చెప్తున్నాం. అదే "ఖుబానీ కా మీఠా". ఈ పేరు వినగానే చాలా మందికి నోట్లో లాలాజలం ఊరిందా..? ఎందుకంటే.. ఇది చాలా ఫేమస్. ముఖ్యంగా రెస్టారెంట్లు, పెళ్లిళ్లలో కూడా దీన్ని వడ్డిస్తారు. ఖుబానీ కా మీఠా అనేది ఒక ప్రసిద్ధ హైద్రాబాదీ స్వీట్. దీనిని నేరేడు పండ్లతో తయారు చేస్తారు. నేరేడు పండ్లను ఆప్రికాట్ అని కూడా పిలుస్తారు. ఈ స్వీట్ తయారీ విధానం చాలా సింపుల్గాఉంటుంది. మరి దీనికి కావాల్సిన పదార్థాలు, తయారీ విధానం ఏంటో ఇక్కడ తెలుసుకుందాం..
ఖుబానీ కా మీఠాకు కావాల్సిన పదార్థాలు..
Ingredients to Khubani Ka Meetha..
- ఖుబానీ ( ఆప్రికాట్స్)-200 గ్రాములు
- పంచదార- 200 గ్రాములు
- కేసర్ రంగు-చిటికెడు(Optional)
ఖుబానీ కా మీఠా తయారీ విధానం..
How to Make Khubani Ka Meetha..
- ముందుగా 200 గ్రాముల ఖుబానీ(గింజలు ఉన్న ఆప్రికాట్స్) తీసుకోండి. ఇవి డ్రైఫ్రూట్స్ అమ్మే షాపులో లేదంటే.. పెద్ద సూపర్ మార్కెట్లో దొరుకుతాయి.
- ఖుబానీలో వేడి నీటిని పోసి.. సుమారు 6 లేదా 8 గంటలు నానబెట్టండి.
- ఆ తర్వాత నానిన ఆప్రికాట్స్లో నుంచి గింజలను తీసి పక్కకు పెట్టండి. ఈ గింజల్లో ఉన్న పప్పు బాదం పప్పును పోలి ఉంటుంది. టేస్ట్ కూడా చాలా బాగుంటుంది. ఆప్రికాట్ గింజలను పగులకొట్టి అందులో ఉన్న పప్పులను దంచి (క్రష్) పక్కన ఉంచండి.
- ఇప్పుడు 200 గ్రాముల పంచదారను తీసుకోండి. ఆప్రికాట్స్ ఎంత మోతాదులో తీసుకుంటే పంచదార కూడా అంతే తీసుకోవాలి. ఒకవేళ తీపి ఎక్కువ లేదా తక్కువ తినేవారు ఎంతకావాలో అంత వేసుకోవచ్చు.
- తర్వాత ఈ పంచదారలో గింజలు తీసిన ఖుబానీని నీటితో సహా వేసుకోవాలి.
- పంచదారను ఖుబానీని బాగా కలుపుకుని స్టవ్ వెలిగించి సిమ్లో పెట్టుకుని 10 నుంచి 12 నిమిషాలు ఉడికించుకోవాలి.
- ఆ తర్వాత ఓ చిటికెడు కేసర్ రంగు వేసి కలుపుకోవాలి. ఇది వేయకపోతే మీకు మంచి కలర్ రాదు. కలర్ వద్దు అనుకుంటే వేసుకోనవసరం లేదు.
- ఇప్పుడు బాగా కలుపుకుని మరో 5 నిమిషాల పాటు లో ఫ్లేమ్లో దగ్గరగా అయ్యేంతవరకు ఉడికించుకోని దించేసుకోవడమే.
- చల్లారిన తర్వాత ఫ్రిజ్లో ఉంచి.. ఓ గంట తర్వాత సర్వ్ చేసుకుంటే టేస్ట్ అదిరిపోద్ది.
- సర్వ్ చేసేముందు.. అంతకుముందే క్రష్ చేసి ఉంచుకున్న ఖుబానీ గింజల్లోని పప్పును పైన చల్లుకుని తినేయడమే.
- ఐస్క్రీమ్తో అయితే ఇంకా బాగుంటుంది.