చికెన్తో ఎన్నో వెరైటీలు చేయవచ్చు. మరెన్నో రుచులు తయారు చేసుకోవచ్చు. అలాంటి వెరైటీ వంటకమే.. 'చికెన్ కీమా పరోటా'(Chicken keema Parotta). దీనిని వంటిట్లో అందుబాటులో ఉండే సాధారణ పదార్థాలతో హోటల్ టేస్ట్తో తయారు చేసుకోవచ్చు. అదేలాగో మీరే చూసి.. చేసేయండి. చల్లని సాయంత్రం వేళలో లొట్టలేసుకుంటూ తినేయండి.
కావాల్సినవి
చికెన్ కిమా, మైదా పిండి, ఉల్లిపాయలు, కార్న్ఫ్లోర్, ఉప్పు, పచ్చిమిర్చి, అల్లం-వెల్లుల్లి పేస్ట్, నెయ్యి, కారం, పెరుగు, కొత్తిమీర, పసుపు, కరివేపాకు, నిమ్మకాయలు, మిరియాలు పొడి.
తయారీ విధానం..
ముందుగా చికెన్ కీమాను ఉప్పునీటిలో శుభ్రంగా కడగాలి. తర్వాత చికెన్ కీమాలో కార్న్ఫ్లోర్, ఉప్పు, అల్లం-వెల్లుల్లి పేస్ట్, పెరుగు, కొత్తిమీర, పసుపు, మిరియాలు పొడి, కారం, కరివేపాకు, నిమ్మరసం వేసి అన్ని కలిసేలా కలపాలి. ఓ అరగంట వాటిని పక్కన పెట్టాలి.
మరో పాత్రలో మైదాపిండి తీసుకుని ఉప్పునీళ్లు వేసి కలుపుకోవాలి. మరి చపాతీ ముద్దలా కాకుండా ఉప్పునీళ్లు ఎక్కువ వేసి కొంచెం పల్చగా చేసుకోవాలి.
తర్వాత నూనె, ఉల్లిపాయ ముక్కలు, అల్లం-వెల్లుల్లి పేస్ట్, ఉప్పు, పసుపు వేసి తాళింపు పెట్టుకోవాలి. అందులో ముందుగా కలుపుకున్న చికెన్ కీమాను వేసి బాగా వేపుడు చేయాలి. అనంతరం మైదాడోలో వేపుడు చేసిన చికెన్ కీమాను వేసి రోటీలా చేయాలి. తర్వాత దానిని నెయ్యిలో ఫ్రై చేయాలి. అంతే చికెన్ కీమా పరోటా రెడీ.
ఇదీ చూడండి:NON VEG: మేక/కోడి కోసిన 3 గంటల్లోనే వండేయాలి.. లేదంటే..!
