సోషల్ మీడియాలో ఎప్పటికప్పుడు కొత్త విషయాలు ట్రెండ్ అవుతూ ఉంటాయి. అందులోనూ వంట వీడియోలంటే మరీనూ! కొత్త వంటకం ఏదైనా వస్తే.. దాన్ని ఎలా తయారు చేశారు? దాని రుచి ఎలా ఉందనే దానిపై సామాజిక మాధ్యమాల్లో చర్చ జరగడం షరామామూలే. అయితే ఇప్పుడు నెట్టింట ఓ దోశ మేకింగ్ వీడియో వైరల్గా మారింది.
ఈ దోశ తయారు చేసిన వ్యక్తి.. జీడిపప్పు, ఎండుద్రాక్షతో పాటు చెర్రీ, కిస్మిస్లను దోశపై పరిచాడు. వీటితో పాటు అనేక రకాల పదార్థాలను దోశపై వేయడం చూసిన నెటిజన్లు.. డిటర్జెంట్ పౌడర్ తప్ప మిగిలినవన్నీ వేశాడని చమత్కారంగా కామెంట్స్ చేస్తున్నారు. కొంతమంది నెటిజన్లు దీనికి చీజ్ దోశ అని నామకరణం చేయగా.. మరికొందరు దీన్ని 'పాన్ కేక్' అంటున్నారు.