భారత్, పాకిస్థాన్, చైనా దేశాలు 2020 ఏడాదిలో తమ అణ్వాయుధాలను పెంచుకున్నాయి. ప్రపంచవ్యాప్తంగా అణ్వాయుధ సామర్థ్యం కలిగిన ఆయుధాల సంఖ్య తగ్గుముఖం పట్టగా.. ఈ మూడు దేశాల్లో మాత్రం ఆయుధాలు పెరిగాయని సిప్రి(స్టాక్హోం ఇంటర్నేషనల్ పీస్ రీసెర్చ్ ఇన్స్టిట్యూట్) విడుదల చేసిన నివేదికలో వెల్లడైంది.
సిప్రి నివేదిక ప్రకారం.. 2020లో భారత్ వద్ద 150గా ఉన్న అణ్వాయుధాల సంఖ్య 2021 జనవరి నాటికి 156కు పెరిగింది. ఇదే సమయంలో చైనా తన ఆయుధాలను 320 నుంచి 350కు, పాకిస్థాన్ 160 నుంచి 165కు పెంచుకున్నాయి. ఈ మూడు దేశాలు కలిపి గతేడాది 41 కొత్త అణ్వాయుధాలను అందుబాటులోకి తెచ్చాయి.
సగం అమెరికా, రష్యాలవే