పదే పదే వేడిచేసి తింటున్నారా.. అయితే ఇది చదవాల్సిందే..

చాలామంది ఆహార పదార్థాల్ని పదే పదే వేడి చేసి తింటుంటారు. అయితే అది మంచిదో కాదో తెలుసుకుందాం రండి.

• తాజా కాయకూరల్ని వండినప్పుడే కొన్ని పోషకాలు పోతాయి. వాటిని రెండోసారి వేడి చేస్తే, తిన్నా ప్రయోజనం ఉండదు. అందుకే సరిపడినంత వండుకోవడం మేలు. అలాగే చికెన్‌ బిర్యానీ త్వరగా పాడవుతుంది. కాబట్టి దాన్ని వేడిచేసి తినకూడదు.
• పాలను ఎక్కువసార్లు వేడిచేస్తే వాటిలోని సాల్యుబుల్‌ విటమిన్లతోపాటు పోషకాలు తగ్గుతాయి. అప్పుడు తాగినా వృథానే! కాబట్టి ఎన్ని పాలు అవసరమవుతాయో అన్ని మాత్రమే కాచుకుని తాగాలి.
• కొంతమంది అన్నాన్ని ఫ్రిజ్‌లో పెడతారు. దాన్ని తీసి, అరకొరగా వేడిచేస్తారు. అయితే బియ్యంలో బ్యాక్టీరియా ఉంటుంది. అది వేడిచేసినప్పుడు వృద్ధి చెందుతుంది. కాబట్టి అన్నాన్ని ఎక్కువసేపు వేడిచేయాలి.
• అదేవిధంగా మాంసాన్ని వేడిచేసేటప్పుడు కూడా ముక్కల మధ్యభాగం వేడేక్కెలా చేయాలి. ఒకసారి ఉడికించిన గుడ్డు రబ్బరులా సాగుతుంటే దాన్ని మళ్లీ వేడిచేయకూడదు.
  చివరగా.. ఏ పదార్థాన్నైనా వేడి చేసుకుని తినడం వల్ల ఆరోగ్య సమస్యలు వస్తాయి. కాబట్టి మితంగా వండుకోవడం ఉత్తమమైన పద్ధతి.

ఇవీ చదవండి:కుటుంబాలను చిన్నాభిన్నం చేస్తున్న కరోనా