రమ్య, సౌమ్య ఇద్దరూ అక్కచెల్లెళ్లు. ఇద్దరివీ ఎమ్మెన్సీ ఉద్యోగాలే. ఇద్దరూ చేతి నిండా సంపాదిస్తున్నారు. రమ్యకి వీకెండ్ వచ్చిందంటే చాలు- పండగ! శుక్రవారం నుంచే పార్టీ మూడ్‌లోకి వెళ్లిపోతుంది. శని, ఆది వారాలు వచ్చాయంటే చాలు వాళ్ల ఫ్యామిలీ ఎవరికీ దొరకదు! ప్రతి వారం అంతా కలిసి ఎక్కడికో అక్కడికి వెళ్లాల్సిందే.. రెండు రోజుల పాటు ఫ్యామిలీ అంతా కలిసి హాయిగా గడిపి.. సోమవారం నుంచి మళ్లీ ఎవరి పనుల్లో వాళ్లు బిజీ అయిపోతారు! అందరూ కలిసి వీకెండ్‌ని బాగా ఎంజాయ్ చేయడం వల్లో ఏమో తెలీదు కానీ- రమ్య ఫ్యామిలీలో ఎవరిని చూసినా సరే- ఎప్పుడూ హ్యాపీగా కనిపిస్తారు!
ఇక సౌమ్య పరిస్థితి- ఇందుకు పూర్తిగా భిన్నం! వాళ్లకి వీకెండ్ ఎంజాయ్‌మెంట్- ఇలాంటివేమీ తెలియవు. అన్నిరోజులూ ఒక్కటే! సౌమ్యకి, వాళ్లాయనికి వారాంతంలో కూడా ఆఫీసు పనులే.. ఫ్యామిలీ అంతా కలిసి ఎక్కడికైనా బయల్దేరారంటే- అది ఓ పెద్ద రికార్డే! ఎప్పుడూ 'పని.. పని..' అంటూ బిజీగా ఉంటారేమో- ఇంట్లో ఎవరిని కదిలించినా ఒకటే చిరాకు! చివరికి సౌమ్య కూతురు పదేళ్ల స్రవంతి కూడా అలాగే తయారవుతోంది.. కుటుంబంతో సరదాగా గడిపే అవకాశం లేకపోయినా, కుటుంబ సభ్యుల మధ్య సంబంధ బాంధవ్యాలు పటిష్టంగా లేకపోయినా- జీవితంపైన దాని ప్రభావం ఎంత తీవ్రంగా ఉంటుందో చెప్పడానికి ఈ అక్కచెల్లెళ్లే ఉదాహరణ.
మన అమ్మమ్మలు, బామ్మల కాలంలో కుటుంబంలోని వ్యక్తుల మధ్య సంబంధ బాంధవ్యాలకే అన్నింటికంటే ఎక్కువ విలువ ఇచ్చేవారు. కానీ, అభివృద్ధి పేరుతో మనం పొరుగు దేశాల నుంచి నేర్చుకుంటున్న పాశ్చాత్య సంస్కృతి వల్ల, సమయాభావం వల్ల, ఇతర కారణాల వల్ల.. మానవ సంబంధాలకు ఉండే విలువ క్రమేపీ తగ్గిపోతోంది. దీని వల్ల నష్టపోతోంది కేవలం విలువైన బంధాలనే కాదు.. జీవితంలో మనకెంతో ముఖ్యమైన, అవసరమైన మన ఆప్తమిత్రులు లేదా రక్తసంబంధీకులను కూడా. కుటుంబంలో సభ్యులు ఎంత మంది ఉన్నా.. వారందరినీ ఒక్క తాటిపై నడిపించేవి ప్రేమ, అనురాగం, నమ్మకం. వీటిలో ఏ ఒక్క అంశంలో తేడా వచ్చినా.. ఎవరికి వారే యమునా తీరే.. అన్న చందాన తయారవుతారు. ఈ నేపథ్యంలో- కుటుంబ సభ్యులతో సన్నిహిత సంబంధాలు ఎలా మెరుగుపరుచుకోవాలో తెలుసుకుందాం..
బంధాలు నిలబడాలంటే..
- మీకు బయట ఎంత ఒత్తిడితో కూడుకున్న పనులు ఉన్నప్పటికీ ఆ ఒత్తిడిని మీ వ్యక్తిగత సంబంధాలపై పడకుండా చూసుకోవాలి. మీరు ఎందుకు అలా ఒత్తిడికి ఎక్కువగా గురవుతున్నారో ఇంట్లో అర్థం చేసుకోలేకపోతే.. మీకూ.. వారికి మధ్య మనస్పర్థలు వచ్చే అవకాశాలు మెండు. అందుకే ఎప్పుడైనా మీరు బాగా ఒత్తిడికి లోనైనట్త్లెతే ఇంట్లో ఎవరితోనైనా పంచుకోండి. మనసు కాస్త తేలిక పడుతుంది.
- కుటుంబంలోని సభ్యులందరి మధ్య సంబంధ బాంధవ్యాలు ఆరోగ్యంగా, సంతోషంగా ఉండేలా చూసుకోవాలి. అప్పుడే మీరు ప్రశాంతంగా ఉండగలుగుతారు. కుటుంబ సభ్యుల మధ్య సంబంధాలు మరింత పటిష్టం కావాలంటే; తరచూ అందరూ కలిసి మాట్లాడుకోవాలి. మనస్ఫూర్తిగా మాట్లాడుకోవడం, యోగక్షేమాలు తెలుసుకోవడం ద్వారా కొత్త ఉత్సాహాన్ని నింపుకోవాలి.
- బిజీ బిజీ షెడ్యూల్స్‌తో క్షణం తీరిక లేకుండా గడిపే క్రమంలో కనీసం రోజులో బ్రేక్‌ఫాస్ట్, లంచ్ లేదా డిన్నర్.. మీకు ఏది వీలైతే అది.. కుటుంబ సభ్యులంతా కలిసి చేసేలా ప్లాన్ చేసుకోండి. రోజూ వీలుకాని పక్షంలో వారానికి 3 లేదా 4 రోజులైనా ఇలా ఇంట్లో అందరితో కలిసి భోం చేయడానికి సమయం కేటాయించుకోవడానికి ప్రయత్నించండి. మీ బంధాలను మరింత దృఢపరుచుకోవడానికి చక్కటి సమయంగా అది మీకు ఉపకరిస్తుంది.
భోజన సమయంలో సరదాగా