నేనో వ్యక్తిని ప్రేమించాను. అతనికి ముందే పెళ్లయ్యింది. కొద్దికాలానికే ఆవిడ ఎటో వెళ్లిపోయింది. ఇది జరిగి మూడేళ్లవుతోంది. ఆవిడ ఆచూకీ తెలియదు. పోలీసు ఫిర్యాదు కూడా ఇచ్చారు. ఇప్పుడు మేం పెళ్లి చేసుకోవాలనుకుంటున్నాం? మా మూడు కుటుంబాలూ సుముఖంగానే ఉన్నాయి. మేం ఎలా ముందుకు వెళ్లవచ్చు?
మీరు ప్రేమించిన వ్యక్తికి ఇంతకుముందే పెళ్లయిందని అంటున్నారు కదా! ఆవిడ వెళ్లిపోయినప్పుడు అతను ఎందుకు విడాకులు తీసుకోలేదు. ఆవిడ ఆచూకీ తెలియనంత మాత్రాన విడాకులు చట్టప్రకారం తీసుకోకుండా రెండో పెళ్లి చేసుకుంటే చెల్లదు. హిందూ వివాహ చట్టంలోని సెక్షన్‌(13) రెండు సంవత్సరాలు కలవకుండా వేర్వేరుగా ఉంటే ఇందులోని సబ్‌క్లాజ్‌(1బీ) ప్రకారం... దాన్ని కారణంగా చూపించి విడాకులు తీసుకోవచ్చు. భార్య/భర్త కనీసం ఏడేళ్లు కనిపించకుండా పోతే సబ్‌క్లాజ్‌(6) ప్రకారం వారు బతికి ఉన్నారని తెలియకపోయినా డైవోర్స్‌ పొందొచ్చు. అయితే ఆ విషయాన్ని కోర్టు ద్వారా నిరూపించాలి.