- టేబుల్‌స్పూన్‌ ముల్తానీమట్టిలో కొద్దిగా గులాబీనీరు పోసి పేస్టులా కలపాలి. దీన్ని ముఖానికి రాస,ి బాగా ఆరిన తర్వాత కడిగేయాలి. వారానికోసారి ఇలా చేయడం వల్ల ముఖ చర్మం మృదువుగా మారుతుంది. జిడ్డు, సాధారణ చర్మం ఉన్నవాళ్లు ఎవరైనా దీన్ని ప్రయత్నించవచ్ఛు.
- మూడు టీస్పూన్ల ఓట్స్‌లో టేబుల్‌స్పూన్‌ గులాబీనీరు, టీస్పూన్‌ తేనె, పెరుగు వేసి పేస్టులా చేయాలి. ముఖాన్ని శుభ్రంగా కడిగి దీన్ని రాసుకోవాలి. అరగంట ఆగి చన్నీటితో కడిగేసుకోవాలి. వారానికి రెండుసార్లు ఇలా చేస్తే తేడా మీకే తెలుస్తుంది.
- టీస్పూన్‌ సెనగపిండిలో చిటికెడు పసుపు, రెండుమూడు చుక్కల నిమ్మరసం, రెండు టీస్పూన్ల గులాబీనీరు వేసి పేస్టులా చేయాలి. దీన్ని ముఖానికి రాసి ఇరవైనిమిషాల తర్వాత కడిగేయాలి. ఈ పూతతో ముఖం మృదువుగా, ప్రకాశవంతంగా మారుతుంది.
- రెండు టీస్పూన్ల పెసరపిండిలో కొద్దిగా గులాబీనీరు, తేనె వేసి పేస్టులా కలపాలి. దీన్ని ముఖానికి రాసి బాగా ఆరిన తర్వాత కడిగేయాలి. వారానికి రెండుసార్లు ఇలా చేయడం వల్ల ఫలితం ఉంటుంది.
గులాబీ నీటి ప్యాక్లతో చందమామలాంటి ముఖారవిందం - rose water packs will be useful to clean face in monsoon
వర్షాకాలంలో వాతావరణం మబ్బులతో ముసురుగా ఉన్నా... మీ ముఖారవిందం మాత్రం చందమామలా చక్కగా మెరుస్తూ ఉండాలంటే గులాబీనీరు కలిపిన ఈ ప్యాక్‌లను ప్రయత్నించండి...
చందమామలా ముఖారవిందం...