కారణాలు ఏవైనా ఈ తరం అమ్మాయిల్లో పోషకాహార లేమి ఎక్కువగా కనిపిస్తోంది. అది ఆరోగ్యంతో పాటు అందం మీదా ప్రతికూల ప్రభావం చూపిస్తుంది. దీనికి కరివేపాకు(Curry Leaves)తో చెక్‌పెట్టొచ్చు. అదెలాగంటే!
కరివేపాకు(Curry Leaves)లో మహిళల ఆరోగ్యానికి మేలు చేసే ల్యూటిన్‌, ఫోలిక్‌యాసిడ్‌, ఇనుమూ, క్యాల్షియం, నియాసిన్‌, బీటాకెరొటిన్‌ వంటి పోషకాలెన్నో పుష్కలంగా దొరుకుతాయి. అందుకే పోషకాల లేమితో బాధపడే వారు తప్పనిసరిగా దీన్ని ఆహారంలో భాగం చేసుకోవాలి. ముఖ్యంగా రక్తహీనతతో బాధపడేవారు ఈ ఆకులను ఏ రూపంలో తీసుకున్నా మంచిదే. ఫలితంగా నెలసరి సక్రమంగా వస్తుంది.