వేపతో సౌందర్య చిట్కాలు.. ఇవి చాలా ఈజీ

వేపలోని ఔషధ గుణాలు ఆరోగ్యానికే కాదు...మేనుకీ మేలు చేస్తాయి. రుచికి చేదుగా ఉన్నా అటు ఆరోగ్య రక్షణలోను.. ఇటు చర్మ సౌందర్యం కాపాడడం లోను వేపకు వేపే సాటి.. అదెలా అంటే..

గుప్పెడు వేపాకులను నీళ్లలో వేసి.. పచ్చగా మారేంతవరకు మరిగించాలి. ఈ నీటిని సీసాలో నిల్వ చేసుకోవాలి. స్నానానికి ముందు నీటిలో కలిపితే దురదలు తగ్గుతాయి.
*వేపాకులను మరిగించిన నీటిలో దూది ఉండను ముంచి దాంతో ముఖాన్ని శుభ్రం చేసుకుంటే మొటిమలూ, మచ్చలూ మాయం అవుతాయి. ఈ ఆకులను మెత్తగా నూరి చిటికెడు పసుపు కలిపి మొటిమలు, మచ్చలు ఉన్నచోట రాస్తే అవి క్రమంగా కనిపించవు.

* రెండు చెంచాల నారింజ తొక్కల పొడిలో ఐదారు వేపాకులను వేసి మెత్తని పేస్టులా చేయాలి. దీనికి తేనె, పెరుగు, సోయాపాలు కలిపి ముఖానికి రాయాలి. పావుగంట తర్వాత కడిగేస్తే మొటిమలు, వైట్‌హెడ్స్‌ తగ్గుతాయి. అంతేకాదు ముఖానికి తేమా అందుతుంది.
* వేపాకులను మరిగించిన నీటిలో తేనె కలిపి జుట్టుకు పట్టించాలి. అరగంటాగి తలస్నానం చేయాలి. ఇది జుట్టుకు మంచి కండిషనర్‌లా పనిచేస్తుంది.

వేసవిలో కర్భూజ పండ్లు ఎక్కువగా తీసుకోండి. ఇందులో 90 శాతం నీరు ఉంటుంది. కాబట్టి శరీరం త్వరగా డీహైడ్రేషన్‌కు గురికాదు.

ఇదీ చూడండి:నాజూకు అందం కావాలంటే ఇవి చేయాల్సిందే..!