పగిలిన పెదాలకు పాలూ తేనె!

పెదాలు పొడిబారి పగిలినప్పుడు కొన్ని సులువైన జాగ్రత్తలు పాటిస్తే తాజాగా కనిపిస్తాయి. అవేంటో ఇప్పుడు తెలుసుకుందాం..

పెదాలు పొడిబారి పగిలినప్పుడు తగినన్ని నీళ్లు తాగడంతో పాటు ఈ జాగ్రత్తలూ తీసుకుంటే మేలు.

• చెంచా చొప్పున గులాబీ నీళ్లు, తేనె తీసుకుని పెదాలకు రాసి కాసేపు ఆరనివ్వాలి. ఆపై చల్లటి నీళ్లతో కడిగేసుకోండి. ఇలా రోజూ చేస్తుంటే పెదాలకు తగిన తేమ అంది తాజాగా కనిపిస్తాయి.
• పెదాలపై మృతకణాలు పేరుకున్నప్పుడు బొప్పాయి గుజ్జుకి కొంచెం పంచదార కలిపి రాయండి. వేళ్లతో ఓ రెండు నిమిషాలు రుద్దండి. మృదువుగా మారతాయి.

ఎండలో బయటికి వెళ్లేటప్పుడు ఏవో ఒక ద్రవపదార్థాలను వెంట తీసుకెళ్లండి. అది మజ్జిగ అయితే అందులో పుదీనా, కొత్తిమీర జోడించండి. పండ్లరసాలైతే సబ్జా లేదా అవిసె గింజల్ని చేర్చండి. ఇవి శరీరాన్ని డీహైడ్రేషన్‌కు గురికాకుండా కాపాడతాయి.

ఇదీ చదవండి:'నా జీవితంలో అతి ముఖ్యమైన కోరికలు ఇవే'