- చిన్నారులకు సంబంధించిన అన్ని విషయాల్లో మీరు జోక్యం చేసుకోవద్ధు ఎవరైనా ఏదైనా అడిగినా, ఏదైనా టాస్క్‌ అయినా... వారే స్వయంగా సమాధానం చెప్పేలా ప్రోత్సహించండి. ఇది వారిలో ఆత్మవిశ్వాసం పెంచుతుంది.
- బాల్యం నుంచే వారికి డబ్బు విలువ తెలియజేయండి. అనవసరమైన వాటిని సైతం కొనివ్వమని మారం చేస్తారు కొందరు చిన్నారులు. వారు ఇవ్వమన్నది ఎంత వరకు అవసరమో వివరించండి. ఆ తరువాతే కొనిపెట్టండి.
- ఇంట్లో చిన్నచిన్న పనులను వారితో చేయించడం, పెద్ద వాళ్లకు సహాయపడేలా ప్రోత్సహించడం వంటివి చేయాలి. ఇవి వారిలో జిజ్ఞాసను, సహానుభూతిని పెంచుతాయి.
- సానుకూల దృక్పథం, ధైర్యం, ఆత్మవిశ్వాసం... ఇవి మానసికస్థైర్యాన్ని పెంచుతాయి. పిల్లలకు బాల్యంలో నీతి, సాహస కథలు చెబితే వీటిని పెంపొందించుకుంటారు. కొంచెం పెద్దయ్యాక పుస్తకాలు చదివించడం అలవాటు చేస్తే మరింత నేర్చుకోగలుగుతారు.
పిల్లల్లో మంచి అలవాట్లు పెంచుదామిలా...! - parenting
మొక్కగా ఉన్నప్పుడు మార్చితేనే... మాను బాగుంటుంది. పిల్లల పెంపకంలోనూ ఇదే వర్తిస్తుంది. చిన్నప్పటి నుంచే మంచి లక్షణాలతో పెంచితే పెద్దయ్యాక ఉత్తములుగా ఉంటారు.
పిల్లలకు మంచి అలవాట్లు పెంచుదామిలా...!