కొందరు పిల్లలకు గోళ్లు కొరికే అలవాటు ఉంటుంది. నిపుణులు దీన్ని మానసిక సమస్యలకు సూచనగానూ పరిగణిస్తారు. ఈ తీరుకి చెక్ చెప్పకపోతే మురికి, క్రిములు శరీరంలోకి చేరతాయి. గోళ్లు, క్యూటికల్స్‌తో పాటు పళ్లూ పాడవుతాయి. మరేం చేయాలంటారా?
దృష్టి మరల్చండి: ముందుగా ఏ సందర్భాల్లో గోళ్లు కొరుకుతుంటారో గమనించాలి. ఉదాహరణకు- టీవీ చూస్తున్నపుడు ఇలా చేస్తుంటే చిన్నారి చేతిలో బొమ్మ పెట్టడమో, లేదా తనని కదిలించడమో చేయండి. ఒక్కోసారి తెలియకుండానే కొరికేస్తుంటారు. అలాంటప్పుడు చేతిని తట్టడమో, తల అడ్డంగా ఊపడమో, కదిలించడమో చేస్తుండాలి. దాంతో వారి మనసు మళ్లుతుంది. ఇలా కొన్ని రోజులు చేస్తే... గోళ్లు కొరకడం మరిచిపోతారు.