సాధారణంగా మహిళల ప్రధాన సమస్య రక్తహీనత. దీనికి మంచి మందు బచ్చలి. అదే కాదు ఇంకా ప్రయోజనాలున్నాయి... అవేంటో చూడండి!
- బచ్చలిలో ‘విటమిన్‌-సి’ అధికం. ఇది రోగ నిరోధక శక్తిని పెంచుతుంది. క్యాల్షియం, మెగ్నీషియం, పొటాషియం లాంటి మినరల్స్‌ అపారం. సెలీనియం, నియాసిన్‌, ఒమేగా3 ఫ్యాటీ యాసిడ్లూ పుష్కలంగానే దొరుకుతాయి. ఇవి మెదడు, నరాల ఆరోగ్యాన్ని కాపాడతాయి.
- ఇందులోని ‘విటమిన్‌-ఎ’ కంటి చూపుని మెరుగు పరుస్తుంది. దృష్టి దోషాలు ఉన్నవారు తప్పనిసరిగా బచ్చలి కూర తింటే మేలు. ఈ ఆకు కూరలో ఉండే ల్యూటిన్‌ కంటి చూపునకు దోహదపడి రెటీనాను మెరుగు పరుస్తుంది. అలానే విటమిన్‌కె రక్తం త్వరగా గడ్డకట్టేలా చేస్తుంది.
- బచ్చలి కూరలో ఐరన్‌ మోతాదూ ఎక్కువే. రక్తహీనతతో బాధపడేవారు క్రమం తప్పక తీసుకుంటే మేలు. మూత్రపిండాల్లో రాళ్లు ఏర్పడకుండా చూస్తుంది కూడా. గర్భిణుల్లో మలబద్ధకం ఏర్పడకుండా చూస్తుంది.