మీరు వర్క్ ఫ్రమ్ హోం చేస్తున్నారా? అయితే ఆరోగ్యం జాగ్రత్త!

కరోనా నేపథ్యంలో విధించిన లాక్​డౌన్​ వల్ల చాలా మంది ఉద్యోగులు ఇంటి నుంచే విధులు నిర్వర్తిస్తున్నారు. ఈ సమయంలో సరిగా కూర్చోకపోవడం, కదలకుండా పని చేయాల్సి రావడం వంటివి అనారోగ్యానికి కారణం అవుతుంటాయని వైద్యులు అంటున్నారు.

కరోనా వల్ల చాలామంది ఇంటినుంచే పని చేస్తున్నారు. ఈ సమయంలో సరిగ్గా కూర్చోకపోవడం వల్ల అనారోగ్య ముప్పుకి కారణమవుతాయంటున్నారు వైద్యులు. ఈ జాగ్రత్తలు తీసుకుంటే వీటి నుంచి బయటపడొచ్చని చెబుతున్నారు..

• గంటకోసారి రెండు నిముషాలు కూర్చున్న చోటు నుంచి లేచి నాలుగడుగులు వేయండి. బాల్కనీలో నిలబడి శరీరాన్ని స్ట్రెచ్ చేయండి.
• భుజాలు వంచి కూలబడినట్టు కూర్చోవడం వల్ల శరీరంలోని భారమంతీ వెన్నెముకపై పడుతుంది. అది దీర్ఘకాలంలో తీవ్ర సమస్యలకు దారితీస్తుంది. నిటారుగా కూర్చోవడానికి ప్రతిక్షణం సాధన చేయండి. అదే అలవాటవుతుంది.
• మీ కంప్యూటర్​ని మరీ దగ్గరగా, మరీ దూరంగా కాకుండా ఉంచుకుని పనిచేయండి. అంతకన్నా దగ్గరగా.. అదీ ఎనిమిది గంటలపాటు చూస్తూ పనిచేయడం మీ కళ్ల ఆరోగ్యానికి మంచిదికాదు రెండు గంటలకోసారైనా కనీసం రెండు నిముషాలు కళ్లు మూసుకోండి. పనిలో కాస్త విరామం అవసరమని గుర్తుంచుకోండి
• ఇంట్లోంచే పని చేస్తున్నాం కదా! అని ఎప్పుడుపడితో అప్పుడు తినడం మంచిది కాదు. ఆఫీసులోలానే సమయాన్ని పాటించండి. మీరు తాగే కాఫీ, టీలకు బదులు నీళ్లు తాగితే శరీంలోని వ్యర్థాలు బయటపడతాయి.

ఇదీ చదవండిఃమీ ఇంటిని ఇలా శుభ్రపరిస్తే అలెర్జీలు దరిచేరవు!