కనిపించని కెమెరాతో అదిరే సెల్ఫీ

సాధారణంగా స్మార్ట్​ఫోన్లకు కెమెరా ఎదురుగా కనిపిస్తుంది. మరి ఫింగర్​ ప్రింట్ రీడర్​ అయితే వెనకో, ముందో అమర్చి ఉంటుంది. కానీ శాంసంగ్​ గెలాక్సీ ఏ90 లో అలా ఉండదట.

అవసరమైనప్పుడు కెమెరా బయటకు వచ్చి, వద్దనుకున్నప్పుడు దాచేసుకునే వీలుంటే...? ఆ సౌకర్యం శాంసంగ్ తీసుకొస్తున్నట్లు టెక్​ నిపుణులు చెబుతున్నారు. దీనికి సంబంధించిన ఫొటోలు వైరలయ్యాయి.

• పాప్​అప్​ కెమెరా:

పాప్​ అప్ కెమెరా

చిన్నప్పుడు టిక్​ టిక్​ పెన్నులు చూసే ఉంటాం కదా. కెమెరాలను అలానే ఫోన్లకు అమర్చనున్నారు. నొక్కితే బయటకు వస్తుంది. లేదంటే ఫోన్​ లోపలే ముడుచుకుని ఉంటుంది. ఇలా ఎందుకు అంటే కెమెరా పట్టే స్థానంలోనూ స్రీన్​ సైజు పెంచుకునేందుకు. శాంసంగ్​ తీసుకొచ్చే ఈ సరికొత్త చరవాణిలలో అమర్చే కెమెరాల సైజు, పిక్సెల్స్​ వివరాలు మాత్రం తెలియలేదు.

• వెనుక భాగంలో 3:

మూడు కెమెరాలతో

ఇప్పటికే చాలా స్మార్ట్​ఫోన్ల తయారీ సంస్థలు కెమెరాల సంఖ్య, సామర్థ్యాన్ని పెంచుకుంటూ పోతున్నాయి. బ్రాండ్​ ఇమేజ్​ ఉన్న శాంసంగ్​ సైతం ఇదే బాట పట్టింది. వెనుక భాగంలో 3 కెమెరాలతో ఫోన్​ తీసుకురానుంది.

• స్రీన్​​పైనే ఫింగర్​ స్కానర్​:

ఫింగర్​ స్కానర్

ఫోన్లలో ఫింగర్​ ప్రింట్​ స్కానర్ వెనుక భాగంలో లేదా ముందు భాగంలో అమర్చుతారు. కానీ గెలాక్సీ ఏ90 లో ఆ పరికరమే కనిపించదు కానీ పనిచేస్తుంది. ​సెన్సార్ల ఆధారంగా స్రీన్​ పైనే స్కానర్​ ఏర్పాటు చేస్తున్నారట.

ఆండ్రాయిడ్​ ఆపరేటింగ్​ సిస్టమ్​తోనే పనిచేసే శాంసంగ్ ఏ90 స్నాప్​ డ్రాగన్​ 710 ప్రాసెసర్ కలిగి ఉంటుందట. 6జీబీ, 8జీబీ వేరియంట్లతో 128 జీబీ స్టోరేజ్​ కలిగి ఉండే అవకాశం ఉంది. ఇన్ని ఫీచర్లు ఉన్న చరవాణిని శాంసంగ్​ సంస్థ మార్కెట్లోకి విడుదల చేసే వరకు గాడ్జెట్​ ప్రియులు ఎదురుచూడాల్సిందే.