స్మార్ట్‌వాచీల్లో ఫీచర్లు బాగుంటాయి. కానీ సమయంతో పాటు, చేతికి అందంగా ఫ్యాషన్‌గా ఉండాలనుకునేవాళ్లు అనలాగ్‌ వాచీలను పెట్టుకునేందుకే ఇష్టపడతారు. అయితే, వాటిలో ఎంత వెరైటీ వాచీని తీసుకున్నా.. ఒక్కటే డయల్‌ కాబట్టి ఎప్పుడూ ఒకేలా కనిపిస్తుంది. కొన్నిరోజులకే బోర్‌ కొట్టేస్తుంది.
'స్మార్ట్వాచీ'లందు ఈ వాచీ వేరయా..! - latest smart watches in the market
మామూలుగా అయితే వాచీలో టైం చూస్తాం.. కానీ ఈ వాచీలో మాత్రం టైంతో పాటు సూర్యచంద్రులూ కనిపిస్తారు. అవునండీ.. వినేందుకు కొత్తగా ఉన్నా.. ఇది నిజం. కావాలంటే ఆ వాచీని మీరూ ఓసారి ట్రై చేయండి..
హైపర్ అయాన్ స్మార్ట్ వాచ్
స్విడ్జర్లాండ్‌కి చెందిన డిజైనర్‌ స్టెఫానొ బ్రగా రూపొందించిన 'హైపర్ అయాన్' వాచీ మాత్రం అందుకు భిన్నం. ఈ వాచీ డయల్‌లో సగం వరకూ ఓ స్టీలు నిర్మాణం ఉంటుంది. ఆ కింది భాగంలో సూర్య, చంద్రులు ఉన్న స్క్రీన్‌ ఉంటుంది. సమయంతో పాటే తిరిగే ఈ స్క్రీన్‌ కదులుతూ పగటి పూట సూర్యుడినీ.. సాయంత్రానికి అస్తమిస్తున్న సూర్యుడినీ.. ఆ తర్వాత నెలవంకనూ.. చందమామనూ మిగిలిన సగం డయల్‌లో చూపిస్తుంది. ఇంకేముందీ.. ఈ వాచీ డిజైన్‌ ఎప్పటికప్పుడు కొత్తగా ఆకర్షణీయంగా కనిపిస్తుంది.
ఇదీ చూడండి:ధాన్యం మిల్లులో సెల్‌ఫోన్‌ రీఛార్జ్‌..!