తెలుగు తార అంజలి ‘త్రో బ్యాక్‌’ అంటూ బైక్‌ నడుపుతున్నట్టుగా దిగిన ఫొటోని పోస్ట్ చేసింది.
టాలీవుడ్‌ నటి రేణూ దేశాయ్‌ తన కాశీ యాత్రకు సంబంధించిన జ్ఞాపకాలను పంచుకుంటోన్న సంగతి తెలిసిందే. తాజాగా తను పడవలో కూర్చుని ఉండగా తన చుట్టూ పక్షులు సందడి చేస్తోన్న ఒక వీడియోని పోస్ట్ చేసింది.
అందాల భామ సమీరా రెడ్డి ‘ఆరోగ్యకరమైన శరీరమే అందమైన శరీరం’ అంటూ 2012, 2015, 2019లలో దిగిన ఫొటోలను కొలేజ్‌ చేసి పోస్ట్ చేసింది. ఈ సందర్భంగా ‘మిమ్మల్ని మీరు ప్రేమించుకోండి’ అని చెప్పుకొచ్చింది.
మెగా డాటర్‌ నిహారిక కొణిదెల తన తాజా ఫొటోని పోస్ట్ చేస్తూ ‘నాటకీయ విరామం’ అనే వ్యాఖ్యని జోడించింది.
టెన్నిస్ తార సానియా మీర్జా ‘సీతాకోకచిలుక లాగా ఎగరండి.. తుమ్మెద లాగా కుట్టండి’ అంటూ తన అందమైన ఫొటోని పోస్ట్ చేసింది.
నటుడు అక్కినేని నాగార్జున ‘బ్రహ్మాస్త్ర’ షూటింగ్‌లో సందడి చేశారు. ఈ సందర్భంగా దిగిన ఫొటోని నటి అలియా భట్‌ తన అభిమానులతో పంచుకుంది.
యాంకర్‌ సుమ ‘స్టార్‌ మహిళ’ కార్యక్రమానికి సంబంధించిన ఫొటోని పోస్ట్ చేసింది. ఈ సందర్భంగా- “రోజులు, నెలలు, సంవత్సరాలు తొందరగా గడిచిపోతున్నాయి. ‘స్టార్‌ మహిళ’ అనేది కేవలం ఒక కార్యక్రమం కాదు.. ఇది ఎంతోమంది మహిళల భావోద్వేగ ప్రయాణం. వీరిలో తల్లులు, అత్తలు, అక్కాచెల్లెళ్లు, అమ్మమ్మలు, నానమ్మలు, మనవళ్లు, మనవరాళ్లు ఇలా ఎంతమందో.. అందరికీ నా ప్రేమాభిమానాలు” అంటూ చెప్పుకొచ్చింది.
అందాల తార మౌనీ రాయ్‌ లైగర్ (మగ సింహం ఆడ పులి కలగలిసిన సంకర మృగం)తో టగ్‌ ఆఫ్‌ వార్‌ ఆడింది. ఈ సందర్భంగా తీసిన వీడియోని తన అభిమానులతో పంచుకుంది. అయితే ఈ గేమ్‌లో మాత్రం లైగరే గెలిచింది.
‘జబర్దస్త్‌’ యాంకర్‌ అనసూయ తాజా ఎపిసోడ్‌కి సంబంధించిన ఇంట్రో సాంగ్‌కి స్టెప్పులేసిన వీడియోని పోస్ట్ చేసింది.
వీరితో పాటు పలువురు తారలు తమ తాజా ఫొటోలను అభిమానులతో పంచుకున్నారు.
