ద్విచక్రవాహనం అదుపు తప్పి యువకుడు దుర్మరణం

సూర్యాపేట జిల్లా నాగారం మండలం డి.కొత్తపల్లి సమీపంలో ద్విచక్రవాహనం అదుపు తప్పి ఓ యువకుడు మృతి చెందాడు. మరో యువకుడికి తీవ్ర గాయాలయ్యాయి. మృతదేహాన్ని తుంగతుర్తి, క్షతగాత్రుడిని సూర్యాపేట ప్రభుత్వ ఆసుపత్రికి తరలించారు.

ద్విచక్ర వాహనం అదుపు తప్పి వ్యక్తి మృతి చెందిన ఘటన సూర్యాపేట జిల్లా నాగారం మండలం డి. కొత్తపల్లి సమీపంలో... సూర్యాపేట-జనగామ జాతీయ రహదారిపై చోటుచేసుకుంది. నల్లగొండ జిల్లా శాలిగౌరారం మండలం బండమీది గూడెం గ్రామానికి చెందిన ఇద్దరు యువకులు... తిరుమలగిరి మండలం తొండ గ్రామానికి వెళ్లి వస్తుండగా ప్రమాదం జరిగినట్టు పోలీసులు తెలిపారు.

డి.కొత్తపల్లి సమీపంలో ద్విచక్రవాహనం అదుపు తప్పి ఎస్​ఆర్​ఎస్పీ కాల్వకు ఉన్న ఇనుప రక్షణ హద్దును ఢీ కొట్టింది. దీంతో అన్నెబోయిన సాయి(20) అక్కడికక్కడే మృతి చెందగా... అన్నెబోయిన జలెందర్​కు తీవ్ర గాయాలయ్యాయి. క్షతగాత్రుడిని సూర్యాపేట ప్రభుత్వ ఆసుపత్రికి, మృతదేహాన్ని తుంగతుర్తి ప్రాంతీయ ఆసుపత్రికి తరలించారు.

ఇవీ చూడండి: ప్రతి ఒక్కరికి భరోసా కల్పించి ప్రాణాలు కాపాడాలి: మంత్రి ఈటల