పాత కక్షలతో దాడి.. చికిత్స పొందుతున్న బాధితులు

పాత కక్షలతో ఒకే కుటుంబానికి చెందిన ఇద్దరు వ్యక్తులపై ఓ యువకుడు దాడికి పాల్పడిన ఘటన కుమురం భీం ఆసిఫాబాద్​ జిల్లాలో శుక్రవారం చోటు చేసుకుంది. తీవ్ర రక్తస్రావం కావడంతో క్షతగాత్రులను ఆస్పత్రికి తరలించారు. కుటుంబ కలహాలతోనే ఈ దాడి చేశారని స్థానికులు అనుమానం వ్యక్తం చేస్తున్నారు.

కుమురం భీం ఆసిఫాబాద్ జిల్లా గుండి గ్రామంలో ఇద్దరు వ్యక్తులపై పాత కక్షలతో ఒక యువకుడు కత్తితో దాడికి దిగాడు. గ్రామానికి చెందిన రమేష్, సతీష్​లు ఒకే కుటుంబానికి చెందిన వ్యక్తులు. ఇంట్లో శుభకార్యం ఉండటంతో కుటుంబ సభ్యులంతా పెళ్లి పనుల్లో నిమగ్నమై ఉన్నారు. అదే సమయంలో గ్రామానికి చెందిన నగోష బల్వంత్​రావు వీరిపై కత్తితో దాడి చేసి పారిపోయాడు. బాధితులకు తీవ్ర రక్తస్రావం కావడంతో మంచిర్యాల ప్రభుత్వాస్పత్రికి తరలించారు.

కుటుంబ కలహాలతోనే అతను ఈ దాడి చేసి ఉంటాడని స్థానికులు అనుమానం వ్యక్తం చేస్తున్నారు. బాధితుల తండ్రి ఫిర్యాదు మేరకు పోలీసులు దర్యాప్తు చేపట్టారు.

ఇదీ చదవండి:విమానాల్లో వస్తుంది.. చోరీ చేసి వెళ్తుంది..