ప్రేమకు నిరాకరించిందని.. బీరు సీసాలతో దాడి

18:07 June 17

ప్రేమకు నిరాకరించిందని.. బీరు సీసాలతో దాడి

ప్రేమకు నిరాకరించిందనే కారణంతో ఓ మైనర్ బాలికపై మైనర్ యువకుడు బీరు సీసాలతో దాడి చేసిన ఘటన వరంగల్​ అర్బన్​ జిల్లాలో చోటుచేసుకుంది.​ జిల్లా కేంద్రంలోని లేబర్ కాలనీలో కుటుంబంతో కలిసి నివాసముంటున్నాడు ప్రభాకర్. ఆయన​ కుమార్తె హైదరాబాద్​లోని ఓ ప్రైవేట్ కళాశాలలో ఇంటర్ మొదటి సంవత్సరం పూర్తి చేసి సెలవుల నిమిత్తం ఇంటికి వచ్చింది. గత కొన్ని రోజులుగా ఆమె చిన్ననాటి స్నేహితుడు నిఖిల్... తనను ప్రేమించాలంటూ బలవంతం చేస్తున్నాడు. 

అతని ప్రేమను ఆ బాలిక ఒప్పుకోలేదు. ఫలితంగా ఆవేశానికి లోనైన యువకుడు బీరు సీసాతో ఆమెపై దాడి చేయగా బాలిక స్వల్పంగా గాయపడింది. గుర్తించిన స్థానికులు ఆ మైనర్ బాలికను హుటాహుటిన ఎంజీఎం ఆస్పత్రికి తరలించారు. భుజంపై గాయం మాత్రమే అయినందున ప్రాణాపాయం లేదని వైద్యులు తెలిపారు.

ఇదీ చూడండి:ప్రేమ పేరుతో వెంటపడ్డాడు.. మోజు తీరిన తర్వాత..?