ప్రియుడు పెళ్లికి నిరాకరించాడని ఆత్మహత్యాయత్నం

కరీంనగర్​ దిగువమానేరులో ఓ యువతి ఆత్మహత్యాయత్నం చేసింది. ప్రేమించిన వ్యక్తి పెళ్లికి నిరాకరించాడని బలవన్మరణానికి యత్నించింది.

ప్రియుడు పెళ్లికి నిరాకరించాడని ఓ యువతి దిగువమానేరులోకి దూకి ఆత్మహత్యకు యత్నించిన ఘటన కరీంనగర్​లో చోటుచేసుకుంది. హైదరాబాద్​ శంషాబాద్​లో నివాసం ఉంటున్న బాధితురాలు... మూడేళ్ల కిందట కరీంనగర్​లోని తన అత్తమ్మ ఇంట్లో ఉండేది. ఆ సమయంలో సవారన్ స్ట్రీట్ ప్రాంతానికి చెందిన ఓ యువకుడితో ప్రేమలో పడింది.

ఆ తర్వాత వారి కుటుంబసభ్యులు హైదరాబాద్​కు మకాం మార్చారు. ఈ క్రమంలో యువతి కరీంనగర్​కు చేరుకొని పెళ్లి చేసుకోవాలని ప్రియుడు ఆజంను వేడుకోగా అతను తిరస్కరించాడు. జీవితంపై విరక్తి చెందిన యువతి... దిగువమానేరులో దూకి ఆత్మహత్యాయత్నం చేసింది. గస్తీలో ఉన్న కానిస్టేబుళ్లు నరసింహారెడ్డి, అశోక్ ఆమెను నివారించారు. కౌన్సిలింగ్ నిర్వహించి వన్​టౌన్ పోలీసులకు అప్పగించారు. అనంతరం బంధువులకు సమాచారం అందించారు.

ఇదీ చూడండి:విజయశాంతితో భేటీ అయిన మాణికం ఠాగూర్​