ఉరేసుకుని ఆత్మహత్య చేసుకున్న మతిస్థిమితం లేని యువతి

సంగారెడ్డి జిల్లా పటాన్​చెరులో మతిస్థిమితం లేని ఓ యువతి ఉరేసుకుని బలవన్మరణానికి పాల్పడింది. ఘటనపై పోలీసులు కేసు నమోదు చేసుకుని దర్యాప్తు చేస్తున్నారు.

సంగారెడ్డి జిల్లా కంది మండలం చెర్లగూడెంకు చెందిన గోవింద్​ 20 ఏళ్ల క్రితం వచ్చి పటాన్​చెరు సాకి చెరువు వద్ద గుడిసె వేసుకుని కుటుంబంతో జీవిస్తున్నాడు. అతని ముగ్గురు సంతానంలో పెద్ద కుమార్తెకు లింగంపల్లికి చెందిన నాగేష్​తో వివాహమైంది. నెలా 15 రోజులక్రితం ఆమె మతిస్థిమితం కోల్పోగా ఆమెను తండ్రి పటాన్​చెరుకు తీసుకువచ్చాడు.

కుటుంబసభ్యులందరూ బయట ఉండగా.. శివలీల లోపలికి వెళ్లి గుడిసె పైభాగంలో ఉన్న కట్టెకు చున్నీతో ఉరిపోసుకుని బలవన్మరణానికి పాల్పడింది. ఆమెను గమనించిన కుటుంబీకులు వెంటనే ప్రభుత్వాసుపత్రికి తరలించగా.. అప్పటికే చనిపోయినట్లు వైద్యులు తెలిపారు. ఈ మేరకు పోలీసులు కేసు నమోదు చేసుకుని దర్యాప్తు చేస్తున్నారు.

ఇదీ చదవండి:ఆన్​లైన్ ఓనం: వేడుకల్లో అబ్బురపరిచిన చిన్నారులు