కమాన్​పూర్​లో విద్యుదాఘాతంతో మహిళా రైతు మృతి

పొలంలో మందులు పిచికారి చేస్తూ.. అక్కడే పని ఉన్న ఎల్​టీ విద్యుత్​ తీగలు తగిలి కరెంట్​ షాక్​తో మహిళా రైతు మరణించిన ఘటన పెద్దపల్లి జిల్లా కమాన్​పూర్​ మండలకేంద్రంలో జరిగింది.

పెద్దపల్లి జిల్లా కమాన్​పూర్​ మండలకేంద్రానికి చెందిన రాజమణి అనే మహిళా రైతు.. విద్యుదాఘాతంతో పొలంలో మరణించింది. రాజమణి.. తనకున్న పొలంలో పత్తి పంట సాగు చేస్తోంది. గురువారం ఉదయం పంటకు మందులు పిచికారి చేసేందుకు వెళ్లింది.

పొలం మధ్యలో నుంచి వెళ్తున్న ఎల్​టీ విద్యుత్​ లైన్​ తీగలు తెగి పడి ఉండగా.. వాటిని గమనించని రాజమణి.. ఆ వైర్లకు తగిలి కరెంట్​ షాక్​ కొట్టి అక్కడికక్కడే మరణించింది. ఘటనాస్థలానికి చేరుకున్న పోలీసులు కేసు నమోదు చేసుకుని దర్యాప్తు చేస్తున్నారు.

ఇవీచూడండి:మంజీరా నదిలో చిక్కుకున్న ఐదుగురు.. రక్షించాలంటూ వినతి