'దారుణంగా హత్య చేసి... శరీర భాగాలను విడివిడిగా పడేసి'

రంగారెడ్డి జిల్లా రాందాస్ పల్లిలో మహిళ దారుణ హత్య కలకలం రేపింది. కిరాతకంగా హతమార్చిన దుండగుడు మహిళ శరీర భాగాలను విడివిడిగా పడేశాడు. పోలీసులు దర్యాప్తు చేపట్టారు.

ఓ మహిళను దారుణంగా హత్య చేసి శరీర భాగాలను విడివిడిగా పడేసిన ఘటన రంగారెడ్డి జిల్లా ఇబ్రహీంపట్నం పోలీస్ స్టేషన్ పరిధిలోని రాందాస్ పల్లిలో చోటుచేసుకుంది. ఆదివారం వనస్థలిపురంలో మిస్సింగ్ కేసు నమోదైన బొమ్మరాజ మైసమ్మగా గుర్తించారు. మృతురాలు సాహెబ్ నగర్ వాసిగా తేల్చారు.

5 తులాల బంగారు ఆభరణాలు, 100 తులాల వెండి ఆభరణాలు మృతురాలి శరీరంపై ఉన్నట్లు బంధువులు తెలిపారు. ఆభరణాల కోసమే హత్య జరిగినట్లు తెలుస్తోంది. సంఘటన స్థలాన్ని ఎల్బీనగర్ డీసీపీ సన్ ప్రీత్ సింగ్, వనస్థలిపురం, ఇబ్రహీంపట్నం ఏసీపీలు పరిశీలించారు. పోలీసులు కేసు నమోదు చేసుకొని దర్యాప్తు చేపట్టారు.