రంగారెడ్డి జిల్లా మొయినాబాద్ మండలంలోని అజిజ్నగర్ గేట్ సమీపంలో సిమెంట్ ట్యాంకర్ వాహనం ఢీకొని మహిళ మృతి చెందింది. మృతి చెందిన మహిళ కాళీ మందిర్ వాసిగా గుర్తించారు.
విషాదం: సిమెంట్ ట్యాంకర్ ఢీకొని మహిళ మృతి
రంగారెడ్డి జిల్లా అజిజ్నగర్ గేట్ సమీపంలో రోడ్డు ప్రమాదం చోటుచేసుకుంది. సిమెంట్ ట్యాంకర్ ఢీకొని ఓ మహిళ మృత్యువాతపడింది. ఈ ఘటనలో ఆమె భర్తకు తీవ్ర గాయాలయ్యాయి.
విషాదం: సిమెంట్ ట్యాంకర్ ఢీకొని మహిళ మృతి
కాళీ మందిర్ నుంచి భార్యాభర్తలు ఇద్దరు లునాపై మొయినాబాద్ మండలంలోని ఎనికేపల్లి గ్రామంలో జరిగే ఫంక్షన్కు వెళ్తున్నారు. అజిజ్ నగర్ గేట్ సమీపానికి రాగానే సిమెంట్ ట్యాంకర్ ఢీకొంది. ఈ ఘటనలో భార్య తలకు బలంగా తగలడం వల్ల ఆమె అక్కడిక్కడే మృతి చెందింది. భర్తకు తీవ్రగాయాలయ్యాయి. ఘటనా స్థలికి చేరుకున్న మొయినాబాద్ పోలీసులు కేసు నమోదు చేసుకుని దర్యాప్తు చేస్తున్నారు.