లిఫ్ట్ రాకుండానే తెరుచుకున్న తలుపులు.. షార్​ ఉద్యోగి మృతి..

లిఫ్ట్ రాకుండానే తలుపులు తెరుచుకోవటంతో బాక్స్ పై పడి ఓ షార్ ఉద్యోగి మృతిచెందింది. ఈ ఘటన ఏపీలోని చిత్తూరు జిల్లా, తిరుపతిలోని శ్రీనివాసం సముదాయం వెనుక అపార్ట్​మెంట్​లో జరిగింది. ఈ మృతిపై తిరుపతి తూర్పు​ పోలీసులు అపార్ట్​మెంట్​ యజమానిపై కేసు నమోదు చేసుకున్నారు.

ఏపీలోని శ్రీ హరికోటలోని షార్​లో సీనియర్ ఆఫీసర్​గా విధులు నిర్వహిస్తున్న వాసంతి(55)... కుమార్తె చదువు కోసం తిరుపతిలోని శ్రీనివాసం సముదాయం వెనుక అద్దెకు దిగారు. అపార్ట్​మెంట్​ నుంచి బయటకు వస్తున్న వాసంతి.. లిఫ్ట్ బటన్​ నొక్కారు. వెంటనే లిఫ్టుకు ఉండే గ్రిల్స్​ తెరుచుకున్నాయి. లిఫ్టు వచ్చిందేమోనని ఆమె అడుగేశారు. అంతే కిందకి జారిపడ్డారు. లిఫ్ట్ బాక్స్ పై పడి, తీవ్రంగా గాయపడ్డారు.

స్థానికులు చూసి వాసంతిని తిరుపతిలోని స్విమ్స్​కు తరలించారు. అక్కడ చికిత్స పొందుతూ తుది శ్వాస విడిచారు. అపార్ట్​మెంట్​లో లిఫ్ట్ పనితీరు సరిగా లేదని ఫిర్యాదు చేసినా యజమాని పట్టించుకోలేదని మృతురాలి భర్త సురేంద్రరెడ్డి ఆవేదన వ్యక్తం చేశారు. ఈ ఘటనపై తిరుపతి తూర్పు​ పోలీసులు అపార్ట్​మెంట్​ యజమానిపై కేసు నమోదు చేసి, దర్యాప్తు చేపట్టారు.

ఇదీ చదవండి:మైనర్​తో వృద్ధుడి వివాహం కేసులో ఆరుగురు అరెస్ట్​