మేడ్చల్-మల్కాజిగిరి జిల్లా షాపూర్‌నగర్‌లో విషాదం చోటుచేసుకుంది. కరోనా భయంతో ఎలుగుపల్లి సుజాత అనే మహిళ ఆత్మహత్యకు పాల్పడింది.
సుజాత గత 4 రోజులుగా జ్వరంతో బాధపడుతోంది. ఈ క్రమంలోనే కుటుంబ సభ్యులు సుజాతకు స్థానికంగా ఉన్న ఓ ప్రైవేటు ఆసుపత్రిలో రక్త పరీక్షలు చేయించారు. మలేరియా వ్యాధి అని తేలింది.
అయినప్పటికీ సుజాత తనకు కరోనా సోకి ఉంటుందని భయంతో సోమవారం రాత్రి.. ఇంట్లో ఫ్యాన్‌కు ఉరివేసుకుని బలవన్మరణానికి పాల్పడింది. విషయం తెలుసుకున్న జీడిమెట్ల పోలీసులు ఘటనా స్థలికి చేరుకున్నారు. ఈ మేరకు కేసు నమోదు చేసుకుని దర్యాప్తు చేస్తున్నారు.
ఇవీ చూడండి:రాష్ట్రంలో కొత్తగా 1,896 కరోనా కేసులు నమోదు
