లాడ్జ్​గదిలో రెడ్​హ్యాండెడ్​గా దొరికిన భర్త... దేహశుద్ధి చేసిన భార్య

ఎంతో బాధ్యత కలిగిన సీఆర్పీఎఫ్​ కానిస్టేబుల్​గా పనిచేస్తూ భార్య ఉండగా మరొక మహిళతో వివాహేతర బంధం పెట్టుకున్నాడు. విషయం తెలుసుకున్న భార్య లాడ్జ్​గదిలో వేరేమహిళతో ఉన్న భర్తను రెడ్​హ్యాండెడ్​గా పట్టుకుని దేహశుద్ధి చేసింది. ఈ ఘటన భద్రాద్రి కొత్తగూడెం జిల్లా భద్రాచలంలో చోటుచేసుకుంది.

భద్రాద్రి కొత్తగూడెం జిల్లా చర్ల మండలంలోని అలుబాక గ్రామానికి చెందిన సుభాశ్​ అనే కానిస్టేబుల్​కి మణుగూరు మహిళతో 2017లో వివాహం జరిగింది. వీరికి ఇద్దరు మగపిల్లలైన తర్వాత సంవత్సరం నుంచి మరొక స్త్రీతో అక్రమ సంబంధం పెట్టుకున్నాడు.

కాగా విషయం తెలుసుకున్న సుభాశ్​​ భార్య... భర్త భద్రాచలంలోని ఓ ప్రైవేటు లాడ్జి గదిలో ఓ మహిళతో ఉన్నాడని తెలుసుకుని కుటుంబ సభ్యులతో అక్కడికి చేరుకుంది. ఇద్దరిని పట్టుకొని దేహశుద్ధి చేసింది. అనంతరం పోలీసులకు అప్పగించి, వివాహేతరబంధం పెట్టుకున్న భర్తపై ఫిర్యాదు చేసింది.

ఇదీ చూడండి:పెళ్లైన ఆరునెలలకే వివాహిత ఆత్మహత్య