భార్య ఆత్మహత్య.. భర్తనే హత్య చేశాడా?

ఓ ఇంట్లో మహిళ అనుమానాస్పద స్థితిలో ఉరేసుకుని ఆత్మహత్య చేసుకుంది. భర్తనే హత్య చేశాడని మృతురాలి తల్లిదండ్రులు అనుమానం వ్యక్తం చేస్తున్నారు. రోజూ మద్యం తాగి వచ్చి తనను హింసించేవాడని ఆవేదన వ్యక్తం చేశారు.

వికారాబాద్​లో ఓ మహిళ అనుమానాస్పద స్థితిలో ఇంట్లో ఉరేసుకుని ఆత్మహత్య చేసుకుంది. జిల్లా కేంద్రంలోని రాజీవ్​గృహకల్ప బ్లాక్ నంబర్ 33లో ఆనంద్-భవిత(21)గత కొంత కాలంగా నివసిస్తున్నారు. ఆనంద్ రోజూ మద్యం తాగి వచ్చి భవితతో గొడవ పడేవాడని.. భర్తనే ఆమెను హత్యచేసి ఉంటాడని ఆమె తల్లిదండ్రులు అనుమానం వ్యక్తం చేస్తున్నారు.

మూడేళ్ల క్రితం మోమిన్​పేట మండలం దుర్గంచెర్వుకు చెందిన భవిత(21)కి బంట్వారం మండలం తోర్మామిడికి చెందిన ఆనంద్​తో వివాహం జరిగింది. వారికి ఏడాది వయసు గల కుమార్తె ఉంది. రేషన్ డీలర్ వద్ద పని చేసే ఆనంద్ మద్యానికి బానిసై భార్యతో గొడవకు దిగేవాడని వారు ఆరోపిస్తున్నారు. ఆమె వేధింపులతో ఆత్మహత్య చేసుకుందా ? భర్త చంపి ఆత్మహత్యగా చిత్రీకరించాడా అనే కోణంలో పోలీసులు దర్యాప్తు చేస్తున్నారు.

ఇదీ చూడండి :జారీ చేసిన చెక్కుల చెల్లింపులు నిలిపివేస్తారా..?: హైకోర్టు