ద్విచక్రవాహనానికి నిప్పుపెట్టిన గుర్తుతెలియని వ్యక్తులు

మేడ్చల్​ జిల్లా జీడిమెట్లలో గుర్తుతెలియని వ్యక్తులు తన బైక్​కు నిప్పుపెట్టినట్లు బాధితుడు పోలీసులకు ఫిర్యాదుచేశాడు. ఘటన స్థలంలో రెండు లీటర్ల పెట్రోల్​ డబ్బా దొరికినట్లు పేర్కొన్నాడు.

మేడ్చల్​ జిల్లా జీడిమెట్లలో ఓ ద్విచక్రవాహనాన్ని గుర్తుతెలియని వ్యక్తులు నిప్పంటించారు. ఈ విషయంలో బాధితుడు పోలీసులకు ఫిర్యాదుచేశాడు.

జీడీమెట్ల పరిధి సంజయ్​ గాంధీ నగర్​కు చెందిన ఉమేశ్​.. శనివారం రాత్రి.. భోజనం చేసి నిద్రపోయాడు. అర్ధరాత్రి వేళ.. బైక్​ నుంచి మంటలు రావడాన్ని గమనించిన ఉమేశ్​ సోదరి.. గట్టిగా అరిచింది. అప్రమత్తమైన బాధితుడు మంటలను అదుపుచేశాడు. అనంతరం తన సోదరి ఇంటి తలుపుపైనా పెట్రోల్​ పోసినట్లు గుర్తించాడు బాధితుడు.. ఈ ఘటనపై పోలీసులకు ఫిర్యాదు చేశాదు. ఉద్దేశపూర్వకంగానే చేసినట్లు ఫిర్యాదులో పేర్కొన్నాడు. ఘటన జరిగిన ప్రాంతంలో రెండు లీటర్ల పెట్రోల్​ డబ్బా దొరికినట్లు తెలిపారు. కేసు నమోదుచేసిన పోలీసులు దర్యాప్తు ప్రారంభించారు.

ఇవీచూడండి:ఆ అనుమానంతోనే తల్లిని కడతేర్చాడా..?