అబ్దుల్లాపూర్‌మెట్‌లో ఏటీఎం చోరీకి యత్నం

రంగారెడ్డి జిల్లాలో వరుస ఏటీఎం చోరీలు కలకలం రేపుతున్నాయి. ఇటీవల జరిగిన వనస్థలిపురం చోరీ మరువక ముందే దుండగులు అదే జిల్లాలో మరో చోరీకి యత్నించారు. ఓ ఏటీఎం దోచుకోవడానికి గురువారం రాత్రి విఫలయత్నం చేశారు.

రంగారెడ్డి జిల్లా అబ్దుల్లాపూర్​మెట్​లో ఏటీఎం చోరీకి దుండగులు యత్నించారు. యూనియన్ బ్యాంక్ ఏటీఎం దోచుకోవడానికి గుర్తు తెలియని వ్యక్తి గురువారం రాత్రి విఫలయత్నం చేశారు. ఏటీఎంలోకి అర్ధరాత్రి చొరబడిన దుండగుడు చోరీ కోసం యత్నించగా... అదే సమయంలో బ్యాంక్ సైరన్ మోగడంతో పారిపోయారు. ఈ దృశ్యాలన్నీ ఏటీఎం సెంటర్​లో ఉన్న సీసీ కెమెరాల్లో నిక్షిప్తం అయ్యాయి.

వెంటనే అప్రమత్తమైన పోలీసులు సంఘటనా స్థలానికి చేరుకున్నారు. క్లూస్ టీం, సీసీ కెమెరాల్లో నిక్షిప్తమైన దృశ్యాలను పరిశీలిస్తున్నట్లు పోలీసులు తెలిపారు. సీసీ కెమెరాల్లో నిక్షిప్తమైన దృశ్యాల ఆధారంగా దర్యాప్తు ముమ్మరం చేశారు.

ఇదీ చదవండి:పెళ్లి రోజు.. సవతి కుమార్తెలను చంపి తానూ ఆత్మహత్య