ఏటీఎం చోరీకి విఫల యత్నం చేసిన దుండగులు

సంగారెడ్డి జిల్లా బొంతపల్లి గ్రామంలో దొంగలు చెలరేగిపోయారు. యాక్సిస్​ బ్యాంక్​ ఏటీఎం చోరీకి విఫలయత్నం చేశారు. సమాచారం అందుకున్న పోలీసులు కేసు నమోదు చేసి దర్యాప్తు చేపట్టారు.

యాక్సిస్​ బ్యాంక్​ ఏటీఎం చోరీకి దుండగులు విఫలయత్నం చేసిన ఘటన సంగారెడ్డి జిల్లా గుమ్మడిదల మండలం బొంతపల్లి గ్రామంలో జరిగింది. గ్యాస్​ కట్టర్​తో ఏటీఎంను తెరవడానికి ప్రయత్నించిన దొంగలు ఎంతకీ తెరుచుకోకపోవడంతో అక్కడి నుంచి పారిపోయారు.

ఏటీఎంను గ్యాస్​ కట్టర్​తో తెరిచేందుకు దొంగలు ప్రయత్నం చేశారు. అదే సమయంలో స్థానికంగా అలికిడి వినిపించడంతో చేసేదేమి లేక వెనుదిరిగి వెళ్లి పోయారు. ఇద్దరు వ్యక్తులు ఈ చోరీకి ప్రయత్నించినట్లు స్థానికులు తెలిపారు. సమాచారం అందుకున్న పోలీసులు కేసు నమోదుచేసి దర్యాప్తు చేపట్టారు.

ఇదీ చదవండి:కష్టాన్నే ఇష్టపడింది... దేశంలోనే కీర్తి గడించింది!