నాగర్కర్నూలు జిల్లా చారగొండ మండలకేంద్రంలోని ఇరువర్గాల మధ్య ఘర్షణ రసాభాసగా మారింది. ప్రజాప్రతినిధులుగా అధికారంలో ఉన్న తెరాస నేతలు కొందరు చెత్తను సేకరించడానికి ఇచ్చిన ట్రాక్టర్ను అక్రమంగా ఇసుక రవాణా చేస్తున్నారని గ్రామానికి చెందిన కొందరు భాజపా యువకులు ఆరోపించారు. ఈ మేరకు వారిపై అధికార పార్టీ కార్యకర్తలు కక్ష సాధింపు చర్యలు చేపడుతున్నారంటూ.. ఇరువర్గాల మధ్య ఘర్షణ జరిగింది.
ఇసుక ట్రాక్టర్ అడ్డుకున్నారంటూ ఇరువర్గాల మధ్య ఘర్షణ అభివృద్ధి పనుల కోసం ఇసుక తరలింపునకు ప్రభుత్వ అనుమతినివ్వగా.. ప్రజాప్రతినిధులైన కొందరు.. సర్పంచ్ అనుమతి ఉన్న పత్రాలను చూపిస్తూ అక్రమంగా ఇసుక తరలింపు ప్రక్రియను చేపడుతున్నారనే ఆరోపణలు ఇరువర్గాల మధ్య వివాదానికి దారితీసింది. దీనివల్ల గ్రామంలో కొద్దిసేపు ఉద్రిక్త వాతావరణం నెలకొంది. సంఘటనాస్థలానికి చేరుకున్న కల్వకుర్తి ఆర్డీవో రాజేష్కుమార్, చారకొండ ఎస్సై కృష్ణదేవ.. ఇరువర్గాలను శాంతింపచేయగా పరిస్థితి సద్దుమణిగింది.
ఇదీ చూడండి:ఆసిఫాబాద్‌లో రెండోరోజు డీజీపీ మహేందర్రెడ్డి పర్యటన
