పబ్​లకు మత్తు పదార్థాల సరఫరా.. ఇద్దరు అరెస్ట్

భాగ్యనగరం మాదకద్రవ్యాల అక్రమ రవాణాకు అడ్డాగా మారింది. గోవా నుంచి రాజధానికి మత్తు పదార్థాలు సరఫరా చేస్తున్న ఇద్దరిని టాస్క్​ఫోర్స్​ పోలీసులు పట్టుకున్నారు. వారి వద్ద నుంచి 200 గ్రాములను స్వాధీనం చేసుకున్నారు.

గోవా నుంచి హైదరాబాద్​కు మత్తుపదార్థాలు సరఫరా చేస్తున్న ఇద్దరిని టాస్క్​ఫోర్స్ పోలీసులు అదుపులోకి తీసుకున్నారు. వారి నుంచి 200 గ్రాముల ఎండీఎంఏ మాదకద్రవ్యాన్ని స్వాధీనం చేసుకున్నారు.

ఓ పబ్​లో పనిచేసే సల్మాన్, హైమద్ అనే ఇద్దరు వ్యక్తులు మాదకద్రవ్యాలను నగరంలోని పబ్​లకు చేరవేస్తున్నట్లు పోలీసులు గుర్తించారు. వీరు వ్యభిచారం ముసుగులో మత్తు పదార్థాల దందా కొనసాగిస్తున్నట్లు పోలీసులు అనుమానం వ్యక్తం చేస్తున్నారు. కేసు నమోదు చేసి, పూర్తి వివరాల కోసం దర్యాప్తు చేస్తున్నారు.

ఇదీ చూడండి:ఆర్వోబీ డివైడర్​ను ఢీకొట్టిన బొలెరో